Есімов «ЭКСПО-2017» көрмесіне келіп-кетушілердің саны қаншаға жеткенін айтты

«ЭКСПО-2017» көрмесінің нысандарына 2 миллионнан астам адам барған.

Бұл туралы Еуразиялық Медиа Форумның ашылу рәсімінде «Астана ЭКСПО-2017» ҰК» АҚ Басқарма төрағасы Ахметжан Есiмов хабарлады, деп жазады Қамшы ақпараттық агенттігі.

«ЭКСПО көрмесіне деген қызығушылық жоғары. Осы уақытқа дейін көрмені тамашалауға 300 мыңнан астам адам келген. Ал көрменің барлық нысандарын аралаған адамдардың келіп кету көрсеткіші 2 миллионнан асты. Осы динамика сақталса, біз жоспарды оп-оңай орындай аламыз. Жоспар бойынша көрсеткіш – 2 миллион адам мен 5 миллион келіп кету», деді Ахметжан Есімов.