19 Шілде, 2017 NEWS
Орталық сайлау комиссиясының хатшысы ауысты
2017 жылғы 15 маусымда «Қазақстан Республикасындағы сайлау туралы» ҚР Конституциялық заңының 11-бабының 2-тармағына өзгерістер мен толықтырулар енгізілді
Қазақстан Республикасы Орталық сайлау комиссиясының хатшысы ауысты, деп жазады Qamshy.kz ақпарат агенттігі ҚазАқпарат мәліметіне сүйеніп.
ОСК баспасөз қызметінің хабарлауынша, 18 шілдеде Ортсайлауком отырысында комиссия мүшесі Сәбила Сапарқызы Мұстафина ротация тәртібімен Қазақстан Республикасы Орталық сайлау комиссиясының хатшысы болып сайланды.
2017 жылғы 15 маусымда «Қазақстан Республикасындағы сайлау туралы» ҚР Конституциялық заңының 11-бабының 2-тармағына өзгерістер мен толықтырулар енгізілді. Осыған сәйкес Қазақстан Республикасы Орталық сайлау комиссиясының хатшысы ОСК отырысында сайланады.
Айта кетерлігі, бұған дейін 10 жыл бойы Ортсайлауком хатшысы болған Бақыт Мелдешов комиссиядағы қызметін ОСК мүшесі ретінде жалғастыра береді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір