Netflix Алматыда реалити-шоу түсіреді

Netflix Қырғызстан мен Қазақстанда туристік реалити-шоу түсіреді. Бұл туралы Алматы әкімдігі хабарлады.

"Әлемдік ойын-сауық индустриясындағы ең ықпалды компания Netflix өзінің реалити-тур шоуын өткізу орны ретінде Алматының әсем таулары мен қырғыз табиғатын таңдады", – делінген хабарламада.

Айта кетейік, Netflix аудиториясында бүкіл әлем бойынша жарты миллиардтан астам адам, 270 миллионға жуық ақылы жазылушысы бар.