Мелания Трамп күйеуі үшін кешірім сұрады

Республикалық партия атынан АҚШ-та  Президент лауазымына сайлауға түсіп жатқан Дональд Трамптың әйелі халықтан  күйеуін кешіруді сұрады. Бұл туралы RT хабарлайды.

«Күйеуімнің айтқан сөзі мен үшін ыңғайсыз әрі намысқа тиетін сөздер. Бірақ онда жүрек бар, көшбасшылық даналық бар. Халық оны мен сияқты кешіреді деп үміттенемі» деді, Трамптың келіншегі.

Бұған дейін The Washington Post басылымы 2005 жылы жазылып алынған  видеоны жариялаған еді. Онда Трамп жұлдыздай жарқыраған кезінде әйелдермен көп нәрсені істей алатынын айтқан.

Осыдан кейін Трамп видео арнауында барлық әйелдерден осы сөзі үшін кешірім сұраған болатын.