• USD 389.52
  • EUR 429.21
  • RUB 6.07
  • CNY 54.94
13 Қараша, 05:38:54
Қазақстан Украинаның сауда нарығына алаңдаулы

13 Қазан, 2016 Әлеумет

Алматыда қырғын салған Күлікбаевпен бірге бес адамның ісі сотқа жіберілді

Алматыда полиция қызметкерлеріне шабуыл жасаған атышулы Руслан Күлікбаев пен оның 5 сыбайласы сотқа жіберілді, - деп хабарлайды  

Алматыда полиция қызметкерлеріне шабуыл жасаған атышулы Руслан Күлікбаев пен оның 5 сыбайласы сотқа жіберілді, - деп хабарлайды  Qamshy.kz ҚазАқпаратқа  сілтеме жасап. 

Қала прокуратурасының сайттағы мәліметтеріне қарағанда, ҚР Бас прокуратурасының ведомствоаралық тергеу тобы арнайы прокурордың басшылығымен Алматыда 2016 жылдың 18-шілдесі күні болған террористік актке байланысты қылмыстық іс бойынша сот алдындағы тергеу жұмыстары аяқтады. 

Күлікбаев бірнеше қанқұйлы тонау және қарақшылық әрекеттерге қатысты болып отыр. Тергеу амалдары басталған алғашқы күннен бастап-ақ қала прокуроры қадағалау жұмыстарының тиімді болуын қамтамасыз ету үшін процессуалды прокурорлар тобын құрды. Олар тергеу жұмыстарының барынша қысқа мерзімде аяқталуына ықпал етті.

Тергеу тобы 57 сот сараптамасы мен зерттеулер жүргізді және болған оқиғаның барлық жәйттерін анықтау мақсатында 200-ден астам куәгерлер мен оқиғаны көрген адамдарды тергеді. 

2016 жылдың 12 қазанында 60 томнан тұратын қылмыстық істің материалдарын зерттеу нәтижесі бойынша, сотқа Күлікбаев пен өзге де азаматтар жолданды.

Р.Күлікбаевқа нәтижесі 8 құқық қорғау және арнайы органдардың қызметкерлерінің және 2 бейбіт тұрғынның өліміне алып келген террористік акт жасады деген айып тағылды. Сонымен қатар ол 3 бейібіт тұрғынды өлтірмек болды деп айыпталып отыр.

Сондай-ақ Р.Күлікбаевпен бірге сотқа атыс қаруын заңсыз сақтап, өзімен бірге алып жүріп, дайындап, Р.Күлікбаевпен бірге М. атты кәсіпкердің үйіне қарақшылық шабуыл ұйымдастырған Р.Лю, Ж.Сапарбеков, Д.Әсембекұлы, Е.Құсайынов, Н.Әбдімомын да сотқа берілді.

Қылмыстық іс Алматы қаласының қылмыстық істер жөніндегі арнайы мамандандырылған ауданаралық сотына жолданды.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір