Қарағандыда үй өртеніп, ондаған отбасы далада қалды

Қарағандыда 8 пəтерлі үй өртенді. Құдай сақтап тұрғындар түгел баспаналарынан шығып үлгерген. Бірақ тозығы жеткен ескі ғимарат түгі қалмай жанып кетті. Енді осы үйді паналап келген, үлкенді-кішілі 20-дан  астам адам қыстың көзі қырауда далада қалып отыр.

 Бұл туралы Ктк арнасы хабарлайды.

Өрт түнгі сағат он бірлер шамасында тұтанған. Қызыл жалын алғашында ғимараттың шатырына шапшып, 300 метр аумаққа түгел тарапты. Апат орнына 50 өрт сөндіруші 12 техникасымен жеткеніме,н ағаш үй толығымен жанып кетті.  Түндегі жайттан жүрегі шайлығып қалған Сәлима Оразованың сөйлеуге шамасы жоқ . Тек көз жасына булығып пәтерінің қазіргі сиқын ымдап көрсеткендей болады.