Трамп сайлаусыз-ақ өзін Президент қылуды ұсынды

Республикалық партия атынан АҚШ президенттігіне сайлауға түсіп жатқан Дональд Трамп Огайо штатындағы сайлаушылармен кездесуінде қарсыласының саясаты дұрыс еместігін айтты. Осылайша ол сайлауды мүлдем өткізбеу керектігін және өзінің қазір-ақ Президент болуға лайық екендігін алға тартты. Бұл туралы кеше The Business Insider хабарлады.

Трамп өзінің баяндамасында Хиллари Клинтонның салық саясаты АҚШ үшін тиіміз екендігін де жеткізді. Клинтон салықты 45 пайызға дейін көбейтсе, Трамп Президент болған жағдайда 35 пайыздан 15 пайызға дейін азайтуға уәде берді.

АҚШ-та Президент сайлауы 8 қарашада өтеді. Басты үміткерлер: Демократиялық партия атынан Хиллари Клинтон және Республикалық партия өкілі Дональд Трамп.

Айғаным Біртуар