• USD 389.52
  • EUR 429.21
  • RUB 6.07
  • CNY 54.94
18 Қазан, 10:16:30
Президенттік жастар кадр резервіне іріктеудің келесі кезеңіне 904 қатысушы өтті

09 Қараша, 2016 NEWS

9 Қараша - Халықаралық ядроға қарсы акция күні

Бұл күні ядролық энергетиканы дамытуға қарсы және оның қауіптілігін арттырғаны үшін наразылық акциялары, демонстрациялар өтеді, деп хабарлайды "Қамшы&quot...

Бұл күні ядролық энергетиканы дамытуға қарсы және оның қауіптілігін арттырғаны үшін наразылық акциялары, демонстрациялар өтеді, деп хабарлайды "Қамшы" порталы "Қазақстан" арнасына сілтеме жасап.

ЕСТЕ ҚАЛАР ОҚИҒАЛАР

27 жыл бұрын (1989) 9 қарашадан 10 қарашаға қараған түні Берлиннің шығысынан батыс бөлігіне азаматтардың еркін өтуіне жол ашылды. Берлин қабырғасы құлады.

25 жыл бұрын (1991) Қазақ КСР Министрлер Кабинетінің қаулысымен Қазақстанның А.С.Пушкин атындағы мемлекеттік кітапханасы Қазақстан Республикасының Ұлттық кітапханасы болып өзгертілді.

20 жыл бұрын (1996) Елбасы Жарлығымен Желтоқсан көтерілісіне қатысып, құрбан болған боздақ Қайрат Рысқұлбековке «Халық Қаһарманы» атағы берілді.

19 жыл бұрын (1997) Тегеранда ислам әлемінің экологиялық апаттардан зардап шеккен аймақтарына: Арал теңізінің бассейні мен Семей ядролық полигон аймағына көмек көрсету туралы Қарар қабылданды.

12 жыл бұрын (2004) 9-11 қарашада Астанада «Қазақстанның үздік тауарлары» республикалық конкурсы өтті.

12 жыл бұрын (2004) Өскеменнің Өнер мұражайында «Самородок» ерікті суретшілер клубының беташар рәсімі өтті.

11 жыл бұрын (2005) Байқоңыр ғарыш айлағынан «Венера-Экспресс» еуропалық ғарыш аппараты бар «Союз-ФГ» зымыран тасымалдағышы ұшырылды.

10 жыл бұрын (2006) Қазақстанның еңбекші әйелдерінің бірінші конгресі өз жұмысын бастады.

8 жыл бұрын (2008) Қарағандыда ұлы ғалым және ойшыл Абайға арналған ескерткіш ашылды.

7 жыл бұрын (2009) Алматыда белгілі кинооператор, Халық әртісі, Кинематографистер одағының мүшесі Ескендір Тынышбаевтың 100 жылдығына арналған пошта маркасы шығарылды.

5 жыл бұрын (2011) белгілі қазақстандық жазушы Роллан Сейсенбаевтың редакциясымен Мағжан Жұмабаевтың «Күннен туған баламын» атты жаңа жинағы шықты.

5 жыл бұрын (2011) Алматыда қазақ тілінде «Алдар көсе оқиғалары»  атты қазақстандық толықметражды көркем фильмінің премьералық көрсетілімі өтті.

Есімдер

215 жыл бұрын (1801-1874) құнарландырылған сүтті ойлап тапқан америкалық өнертапқыш Гейл БОРДЕН дүниеге келді.

198 жыл бұрын (1818-1883) орыс жазушысы Иван Сергеевич ТУРГЕНЕВ дүниеге келді.

139 жыл бұрын (1877-1959) итальян заңгері, журналист, саясаткер, 1946-1948 жылдардағы Итальян республикасының бірінші президенті Энрико де НИКОЛА дүниеге келді.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір