Елбасы байларды жомарттық танытуға шақырды

Елбасы Нұрсұлтан Әбішұлы Халықтар Ассамблеясының кезекті сессиясында Қазақстандағы байларды елдің әлеуметтік өміріне көбірек атсалысуға шақырды деп хабарлайды Қамшы ақпараттық агенттігі Информбюроға сілтеме жасай отырып.

«Қазір елімізде қалтасы қалың азаматтар жетерлік. Байлардың болғаны өзімізге жақсы. Дұрыс, байысын, бірақ жан-жағындағы адамдардың да жағдайыy түзесін. Жұмыс орындарын ашсын, қайырымдылыққа көңіл бөлсін, мектеп ашсын, спорттық кешен тұрғызсын. Қиын емес қой. Оларға кезінде мемлекет қолдау білдірді, көмектесті, қысқасы, жағдай жасады. Енді кезекте олар мемлекетке қол ұшын берулері тиіс».

Нұрсұлтан Әбішұлы Үкіметке әкімдіктер мен Ассамблеямен біріге отырып қайырымдылықты дамыту бойынша ұсыныстар дайындауды тапсырды.