Шаянға арақ берсең адамға «айналады» екен...

Ғалымдар адамнан өзге барлық тірі организмдерге арақ беріп көріп, қайсысы адамға көбірек ұқсас екенін анықтап көрді деп хабарлайды Қамшы ақпараттық агенттігі. Нәтижесінде, сіздің мас күйіңізді үйіңіздегі ит, мысық сияқты сүйікті жануарларыңыз емес, теңіз шаяны жақсы сезінетін болып шықты!

Қызық тәжірибені Мэриленд университетінің ғалымдары өткізген болатын. Басқасы басқа, шаянға қалай арақ берген деп таңғалатын боларсыз. Орынды сауал... Шаяндардың аквариумындағы суға спирт концентрациясын қосу арқылы. Ендігі, адамға ұқсайтыны несі дейтін боларсыз. Шаяндардың мас болуы барысында мына құбылыс байқалған: топ шаяндардың мас болуы жалғыз шаяндарға қарағанда тезірек екен. Мас бола сала, олар қисалаңдай бұратылып, тепе-теңдік жоғалтқан.  Шалқадан жатып, үш сағаттық тыныштықтан кейін естеріне келе бастаған.