Жалаңаш еркек мұражайда не істеп жүр? (ВИДЕО)

Нью-Йоркта "Метрополитен" мұражайында өтіп жатқан қайырымдылық жиылысында өзін суретшімін деп жариялаған ер адам әйнек жәшік ішіне жатып алған.

41 жастағы Федор Павлов ресейлік суретші екен. Бұл туралы Қамшы ақпараттық агенттігі New York Daily басылымына сілтеме жасап хабарлайды. Басылымның жазуынша, ер адамды мұражай алдындағы қызыл кілемге  оны көмекшілері алып келген, түссіз әйнек жәшіктің ішіне де солар кіргізген.

  Жалаңаш еркектің алдынан мұражайға жан-жақтан келген қонақтар өткен. Құқық қорғау органдары ер адамды жәшіктен шығуын сұраған. Алайда ер адам олардың сөзіне құлақ астпаған. Нәтижесінде «біртүрлі» ер адамды полицей қызметкерлері жәшігімен бірге ұстап алып кеткен.

Федор Павловқа қоғамдық орындағы ережені бұзғаны үшін айып тағылды. Суретші осыған дейін де мұражайларда өзін «ерекше» тәсілмен елдің назарына ұсынған екен. Соңғы рет Сан-Паулода өткен акцияда жәшікке кіріп елді таңқалдырса керек.