• USD 468.56

  • EUR 497.56

  • RUB 7.3

  • CNY 67.18

29 Наурыз, 16:46:13
Алматы
+35°

13 Маусым, 2017 NEWS

ЕЛБАСЫ «ТАТАРСТАНҒА СІҢІРГЕН ЕҢБЕГІ ҮШІН» ОРДЕНІМЕН МАРАПАТТАЛДЫ

Мемлекет басшысы Татарстан Республикасының Президенті Рустам Миннихановпен кездесті деп хабарлайды

Мемлекет басшысы Татарстан Республикасының Президенті Рустам Миннихановпен кездесті деп хабарлайды Қамшы ақпараттық агенттігі akorda.kz-ке сілтеме жасай отырып. Кездесуде  Нұрсұлтан Назарбаев пен Рустам Минниханов Астана мен Қазан арасындағы мәдени және экономикалық ынтымақтастық мәселелерін талқылады.

Мемлекет басшысы Р.Миннихановты Ресей күнімен құттықтап, екі ел арасында қалыптасқан достық қатынастар туралы айтты. 

– Ресеймен де, Татарстанмен де арамызда достық қарым-қатынас орныққан. Қазақтар мен татарлар тарихы, мәдениеті, тілі мен әдет-ғұрпы жағынан бір-біріне өте жақын. Экономикалық байланыстарымыз да жақсы. «KAMAZ» кәсіпорнымен жұмыс жүргізіп келеміз, Алматыдағы тікұшақ зауытына қатысты жобаны іске асырудамыз. Осы және басқа да экономикалық байланыстарды, соның ішінде мұнай химиясына қатысты байланысты жалғастыра беру керек, - деді Нұрсұлтан Назарбаев.

Татарстан Президенті Қазақстанға келген миссиясы туралы айтып, елордамыздың жаңа архитектуралық нысандарын және «Астана ЭКСПО-2017» көрме кешенін аралап көргеннен кейінгі әсері жөнінде ой бөлісті.

– Бүгін ЭКСПО-дағы экспозициямызды аштық. Сонымен қатар, Қазақстандағы серіктестерімізбен бірге болашақ жоспарларымызды талқыладық. Көрме кешені мені қайран қалдырды. Сізді көрменің ашылуымен құттықтаймыз. Сондай-ақ, қала көшесіне Сүйімбикенің аты берілуіне орай ризашылығымды білдіремін, – деді Р.Минниханов.    

Нұрсұлтан Назарбаев пен Рустам Минниханов «Батыс Қытай – Батыс Еуропа» жолын салу аясындағы инфрақұрылымдық жобаларды іске асыру және Қазақстан мен Татарстанның көліктік-транзиттік әлеуетін арттыру мәселелерін талқылады.

Кездесу соңында Р.Минниханов Қазақстан Президентін «Татарстан Республикасына сіңірген еңбегі үшін» орденімен марапаттап, Мемлекет басшысын Татарстанға келуге шақырды.  

Әсел Болатқызы

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір