АҚШ астрологтары Дональд Трамптың өлімін болжады

АҚШ астрологтары президент Дональд Трамптың 2017 жылдың соңына дейін қандай да бір зомбылықты бастан кешіретінін айтты, деп хабарлайды Qamshy.kz ақпарат агенттігі шетелдік БАҚ-қа сілтеме жасап.

Уэйд Кейвс  және Марджори Орр есімді астрологтар тамыз айында болатын Айдың тұтылуы кезінде бірнеше танымал АҚШ президенттеріне қастандық жасалғаны, тіпті өлтірілгені туралы айтып, осы орайда қазіргі президенттің де өміріне қауіп төніп тұрғанын жеткізген.

Сонымен бірге, мамандар Трамптың Ай тұтылған кезде дүниеге келгенін, сондықтан осы құбылысқа ерекше сезімтал екендігін айтты. Болжам бойынша Айдың тұтылуы 21 тамызда орын алмақ. АҚШ-қа 115 шақырымға созылатын көлеңке түседі. Тұтылу бірнеше минутқа созылады дейді мамандар.