• USD 468.56

  • EUR 497.56

  • RUB 7.3

  • CNY 67.18

28 Наурыз, 17:08:27
Алматы
+35°

04 Тамыз, 2017 Әдебиет

Үйдің берекесі мен тыныштығы әйелдің қолында

Түтінің түзу шықса да, қисық ұшса да ӘЙЕЛДЕН!

«Ертеде бір ағайынды екі жігіт болыпты. Бірін-бірі көрмесе тұра алмайды. Бір күні ағасы, бір күні інісі қонақасына шақырып, мамыражай бақытты белшесінен басқан күндерді кешіп жатады.
Бір күні екі жігіт отырып:
- «Біздің мызғымас татулығымыз бен айрандай ұйыған ынтымағымызға ешкім нұқсан келтіре алмайды. Бәрі екеуміздің арқамызда!» - деп көкірек қара сөйлейді. 
Осыны естіген екі абысын:
- «Мыналар астамшылық жасайын деген екен! Бұларға бақыт кімнің қолында екенін көрсетейік бір!» - деп түйіпті.
Ағайындылар келесіде ағаның үйінде бас қосады. Арқа-жарқа болып ас ішіп отырғанда інісінің келіншегі күйеуіне:
- «Әй, ағаң сені кемсітейін деген екен. Қарашы, өз баласына асықты жілік беріп, сенің балаңа кәрі жілік берді. Мұнысы қай басынғаны?!» - деп сыбыр ете қалады.
Сонда қаны қызған інісі аттай тулап, ағасына дүрсе қоя береді. Екі бауыр осы оқиғадан кейін ұзақ уақыт бір-біріне ат ізін салмай, бет көріспей кетіпті. 
Күндердің күнінде екі абысын ақылдасып қазан көтеріп, екі бауырды татуластырмақшы болады. Үлкен абысын ағаны:
- «Әй, сен үлкендігіңді жаса! Шынымен-ақ, сен ағаттық жасадың!» - деп інінің шаңырағына ертіп келеді. 
Осы басқосуда абысындар бар шындықтың бетін ашып:
- Естеріңде ме «Біздің мызғымас татулығымыз бен айрандай ұйыған ынтымағымызға ешкім нұқсан келтіре алмайды. Бәрі екеуміздің арқамызда!» дегендерің? Олай қателеспеңдер. Ағайынның ұюы да, іруі де біздің бір ауыз сөзімізге байланысты!» - деп ағайынды жігіттерді сабасына түсіріпті».
Түтінің түзу шықса да, қисық ұшса да ӘЙЕЛДЕН!

Ел аузынан

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір