• USD 378.65
  • EUR 430.07
  • RUB 6
  • CNY 55.1
22 Шілде, 16:23:04
"НЛО" деген жарықтық не болып шықты?(видео)

15 Ақпан, 2018 Алаш-Орда

Алашорданың 100 жылдығына арналған «Тар заман» телехикаясы 22 ақпаннан бастап кинотеатрларда

Оқиға желісі Алашорда үкіметін құру жолындағы ортақ мұратқа топтасқан алаш зиялыларының өмірінен құрылады.

Алашорданың 100 жылдығына арналған «Тар заман» телехикаясы 22 ақпаннан бастап еліміздің барлық кинотеатрларында көрсетіледі, деп жазады Qamshy.kz тілшісі. Телехикая Қазақстан РТРК тапсырысымен түсірілген. Саундтрегін жазған Ұшқын Жамалбек.

Рулық қоғамнан Ұлттық мемлекет құрамыз деп, өз уақытынан оза шапқан тұлғаларға арналады.
Оқиға желісі Алашорда үкіметін құру жолындағы ортақ мұратқа топтасқан алаш зиялыларының өмірінен құрылады. Басты кейіпкердің бірі Әлихан Бөкейхановтың тартысқа толы драмалық кезеңі суреттеледі. Оның ел үшін күрескен еңбегі, айналасына топталған тарихқа белгілі тұлғалармен байланысы, көзқарасы мен ұстанымы, махаббаты мен тағдыры көркемдік шешімдермен өріледі.
Алашорда үкіметін құру жолында күрескен Мұстафа Шоқай, Ахмет Байтұрсынұлы, Міржақып Дулатов, Смағұл Садуақасов сынды тұлғалардың да көркем образдары көрініс табады.


Алашорда үкіметін құру барысындағы тартысты пікірлер мен екі топқа бөлінген алаш зиялылары арасындағы саяси қарым-қатынас, сатқындық, мүделлер қақтығысы да көрсетіледі. Омбы мен Семейдегі оқиғалар, Алаш әскерінің құрылуы, Сталиннің Әлиханды Мәскеуге алдыруы, абақтыдағы тергеу істері қамтылады.
Қазақ даласының Ақпан төңкерісін қалай қабылдап, Қазан төңкерісінен кейін неге екіге бөлінгені негізгі оқиғаға арқау болды. Әлиханның алаш жұрты ұстануға тиісті бес ұстанымы төңірегіндегі аманат ойларымен түйінделеді.

Қате тапсаңыз, қажетті бөлікті таңдап ctrl+enter басыңыз.

Пікір қалдыру

3 пікір

Мәке 15 Ақпан, 2018

жақсы жаңалық екен

Альбина 17 Ақпан, 2018

Саундтрек сәйкес келмейді деп ойлайм. Ғалымжан Молданазарға керемет ән жазар ма еді)

Баубек 14 Сәуір, 2018

Тар заманнан сабақ алмасақ, ол қайталана береді, түпкі мақсаты бізді үйрету, сосын құрдымға кетеді, егер өткенімізден сабақ алмай, оның ара жігін ашпай, ақ қарасын айыра алмасақ,бізді ол жағдайды қайтадан кештіруі мүмкін, осылай қайталана береді, егер ештпңе ұқпасақ немесе ұққымыз келмесе. Сондықтан осы тарзаманды мемлекеттік деңгейде мойындап, аруақтардан кешірім сұрап, осындай жағдай ендігі өмірімізде болмайды деп болашақ ұрпаққа уәде беруміз керек, қазақтың өлі разы болмай, тірі байымайды деген көреген сөзін есте сақтайық!