Атыраудағы қабірлер көшірілуі мүмкін

Атырауда кәріз коллекторының жарылуы салдарынан зиратты су басуда, деп хабарлайды Qamshy.kz ақпарат агенттігі ҚазАқпаратқа сілтеме жасай отырып. Кәріз құбырының жарылуы қала маңындағы ескі мұсылман зиратының аумағында болды.

«Бұл зират қолданылмайды және жерлеу рәсімдері мұнда бей-берекет жүргізілген. Бұл бейіттің шекарасын кеңейтіп келді. Салдарынан оның бір бөлігі кәріз коллекторының үстінен түскен. Қазіргі уақытта апатты жою үшін екі қабірді көшіру туралы мәселе шешілуде», - деп хабарлады «Атырау Су Арнасы» ҚМК-ның баспасөз қызметі.