• USD 378.65
  • EUR 430.07
  • RUB 6
  • CNY 55.1
21 Қыркүйек, 04:43:24
Кевин Гастон: Бұл табиғаттың құрдымға кетуі деген сөз

20 Наурыз, 2018 Car News

Қазақстанда жыл басынан бері 24,7 млн теңгеге техника өндірілді

Ескі машиналарды қайта өңдеу бағдарламасы аясында қазақстандықтар биылғы жылы екі мыңнан астам жеңілдік сертификаттарын алды

Қазақстан автокөлік өндірушілері жылдың басынан бері 24,7 млн теңге сомасына техника өндірді, деп хабарлайды Qamshy.kz ақпарат агенттігі. 

көлік

Қазақстандық Автокәсіпкерлік Қауымдастығының мәліметінше, 2018 жылдың ақпан айында 2 172 автокөлік (вагондар, жүк автокөліктері, арнайы автокөліктер, автобустар, тіркемелер, жартылай тіркемелер) өндірілді, бұл қаңтар айына қарағанда 3,2% артық. Автокөлік өндірісінің ақпандағы құны 12 629 млн теңгені құрайды, бұл 2018 жылғы қаңтар айының нәтижесінен 4,7% артық (12 059 млн теңге). Алайда, алғашқы екі айдағы жинақталған нәтиже өткен жылдың ұқсас нәтижесінен 2,4 есе асып отыр (10 102миллион теңгеге қарсы 24 688 миллион). Заттай мәндегі өндіріс көлемі өткен жылғы көрсеткіштен 2 есе асты (2 175 бірлікке қарсы 4 277).

көлік

​​​​​​​Негізгі өсім жеңіл автокөліктер өндірісі есебінен қамтамасыз етілді, биылғы жылы қазақстандық кәсіпорындарда 4124 автокөлік (+ 102,4%), 83 жүк көлігі (+ 22,1%), 28 автобус (+ 55,6%) және 42 бірлік басқа мамандандырылған жабдық өндірілді.

Екі айдың қорытындысы бойынша Өскемен қаласының «Азия Авто» компаниясы 2 732 автокөлікті (негізінен ресейлік Lada автокөліктерін) жинады. Қостанайдағы «СарыарқаАвтоПром»-да 1407 бірлік техника өндірілді. Көкшетауда «KAMAЗ Инжинринг» компаниясы 48 жүк көлігін шығарып, Алматы Hyundai Trans Auto 33 жүк және автобустарын жөнелтті.

Отандық автоөндірушілер тұтынушылық сұраныстың өсуін қалпына келтіру аясында өндірісті ұлғайтуда. Қайта өңдеу бағдарламасы және жеңілдетілген автокредиттеу бағдарламасы өнеркәсіпке белсенді қолдау көрсетуде. Ақпан айында «Қазақстанның Даму Банкі» бұдан бері болжанған 8 млрд теңгені жеке тұлғаларға жұмсады (атап айтқанда, «Еуразиялық банк», «Сбербанк», «Банк ЦентрКредит», «Халық банкі» - әрқайсысына 1 875 млн. теңге, ВТБ (Қазақстан) - 500 млн. теңге). ҚДБ деректері бойынша биылғы жылы 159 өтінім мақұлданды - бұл 809,9 млн теңге. 

Ескі машиналарды қайта өңдеу бағдарламасы аясында қазақстандықтар биылғы жылы екі мыңнан астам жеңілдік сертификаттарын алды (Қазақстанда өндірілген жаңа автокөлік сатып алуға 315 мың теңге). 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір