• USD 378.65
  • EUR 430.07
  • RUB 6
  • CNY 55.1
18 Шілде, 00:25:08
Ұлттық қоғамдық сенім кеңесінің ережесі мен құрамы бекітілді

01 Желтоқсан, 2018 NEWS

17 жыл бұрын Елбасының батасын алған студент кім?

Абылай Алматы қаласының химия-биология бағытындағы Назарбаев зияткерлік мектебін тәмамдаған.

Елбасының батасын алған Абылай Сатылхан қазір Назарбаев университетінде "саясаттану және халықаралық қатынастар" мамандығы бойынша білім алып жатыр деп жазады Qamshy.kz ақпарат агенттігі sputniknews.kz сайтының дерегін негізге алып. 

Қазақстан президенті Нұрсұлтан Назарбаев 17 жыл бұрын өзі тұсауын кескен студентпен кездесті.

Астанада Назарбаев зияткерлік мектептерінің он жылдығына орай өткен форумда Қазақстан президенті 17 жыл бұрын тұсауын кескен студент Абылай Сатылханмен кездесті.

Абылай Алматы қаласының химия-биология бағытындағы Назарбаев зияткерлік мектебін тәмамдаған. Қазір Назарбаев университетінде бірінші курста оқиды. Үш тілді жетік меңгерген, академиялық біліммен бірге жасанды интеллект, бағдарламалау, робототехника, нано және биотехнология, бизнес жүргізу сияқты сан түрлі салада білімін шыңдаған жас. 

"Осыдан он жеті жыл бұрын Астанада сіз менің тұсауымды кескен едіңіз. Мен бүгін біздің әулеттің тұмары секілді әрдайым төрде ілініп тұратын мына суретті өзіңізге ала келдім. Сіз маған "азамат бол" деп бата беріпсіз. Мен осы мотивациямен өмір сүріп, өзіңіз айтқандай мықты азамат болуға, елім үшін қызмет етуге уәде беремін", — деді Абылай президентке сыйлығын табыстай отырып.  

Мемлекет басшысы оқушының сыйлығын қуана-қуана қабыл алды.

Қате тапсаңыз, қажетті бөлікті таңдап ctrl+enter басыңыз.

Пікір қалдыру

0 пікір