Қазақстан азаматтығын жеңілдікпен алатын тұлғалардың тізімі ұзартылды

Нұрсұлтан Назарбаев Қазақстан азаматтығын жеңілдетілген тәртіппен алуға болатын тұлғаларға қатысты жаңа жарлыққа қол қойды. Елбасының қаулысы бойынша, енді 16 түрлі кәсіп пен мамандық иелері Қазақстан азаматтығына жеңілдетілген тәртіппен қол жеткізе алады.

Жаңа тізімге енгізілген денсаулық сақтау саласындағы мамандар, бизнес сарапшылары, бағдарламалық қамтамасыз ету мамандары, ақпараттық технология саласындағы жоба менеджері, робототехника, ақпараттық қауіпсіздік саласындағы мамандар, ақпараттық қауіпсіздік аудиторы, ақпаратты қорғау бойынша инженерлер Қазақстан азаматтығын жеңілдікпен ала алады. Тізімге сонымен қатар биоинформатика, молекулярлық биотехнология және биоинженерия салаларындағы мамандар, білім беру технологиясы, аграрлық ғылым, медицина, қаржы және экономика салалары бойынша ғылыми қызметкерлер енгізілген.