• USD 383.43
  • EUR 429.83
  • RUB 5.96
  • CNY 55.39

09 Қаңтар, 2019 Әдебиет

Пышақтап жатса да, құшақтап болмаймыз! Жарақаттап жатса да, марапаттап болмаймыз!

Көшеде кикілжің төбелес, Кеңседе мипылжың жиналыс!

«Бас жарылса – бөрік ішінде» дейді,
Бөріктімнің намысын тұқыртып...
«Тіс сынса – ауыз ішінде» дейді,
Ауызымнан ащы запыран түкіртіп...
«Қол сынса – жең ішінде» дейді,
Жең ұшынан жалғасқан парақорларды құтыртып...
Бізді басынбаған кім қалды?!
*
Мәйханалар – жаттыкі,
Мәйітханалар – біздікі.
Ойынханалар – жаттыкі,
Ойнасханалар – біздікі.
Дәріханалар – жаттыкі,
Дәретханалар – біздікі.
Бізді басынбаған кім қалды?!
*
Көшеде кикілжің төбелес,
Кеңседе мипылжың жиналыс!
Тілім кесілген...
Тілерсегім қиылған...
Пышақтап жатса да,
Құшақтап болмаймыз!
Жарақаттап жатса да,
Марапаттап болмаймыз!
Келімсек – төрде,
Көңілшек – төменде,
Ұлтаралық мәселені – ұлтабарлық мәселе дейді,
Бізді басынбаған кім қалды?!

Мирас Асан

Қате тапсаңыз, қажетті бөлікті таңдап ctrl+enter басыңыз.

Пікір қалдыру

2 пікір

Айбын 09 Қаңтар, 2019

Реніштен, көңіл қалғаннан туған өлең екен. Көзіме жас келді.

Айбын 09 Қаңтар, 2019

Поэзияның құдіретін осындайда түсінесің ау. Көп ұлтты мемлекет болған соң, қазаққа артылар жауапкершілік жоғары екені рас.

Аноним 09 Қаңтар, 2019

Мы многонациональная и мировая страна и наш мир ничем не должен рушиться, никакими конфликтами