• USD 378.65
  • EUR 430.07
  • RUB 6
  • CNY 55.1
19 Тамыз, 13:08:28
Әкімдік қызметкерлері мен БАҚ өкілдері арасындағы аладоп аламаны

12 Ақпан, 2019 NEWS

Үш адамның өмірін қиған жол апатына себепкер Ильяс Кардың соты басталды

Алматыда Ілияс Кардың соты басталды

Алматыда Ілияс Кардың соты басталды, - деп хабарлайды Qamshy.kz ақпарат агенттігі Тengrinews.kz сайтына сілтеме жасап.

Сотталушы Ілияс Кар жол жүрісі ережесін бұзды, абайсызда үш адамның қаза болуына себепші болды және апат орнынан кетіп қалды деп айыпталып жатыр. (ҚР Қылмыстық кодексінің 345-бабының 4-бөлігі және 347-бабы).

Еске салайық, жантүршігерлік жол-көлік оқиғасы өткен жылдың 29 желтоқсанында болған еді. Алматыдағы Сейфуллин мен Абай даңғылдарының қиылысында Mercedes Gelandewagen автомобилі Mitsubishi Galant көлігін соққан. Соққының салдарынан жеңіл көлік жолдың қарсы бетіне шығып кетіп, бордюрге тірелген. Кейінірек оқиғаның видеосы жарияланды.

Жол апаты салдарынан Mitsubishi Galant жүргізушісі мен екі жолаушысы қаза тапты. Қайтыс болғандардың бірі - актриса Шолпан Елгезекова. Тағы бір актриса Айзада Сатыбалдиева ауыр халде жансақтау бөліміне түскен. 3 ақпанда ол ауруханадан шықты.

Сот

Уақыт өте марқұмдардың бірінің туысы Айдана Шаяхметова сараптама қорытындысы бойынша Gelandewagen жүргізушісі Ильяс Кардың ішімдік ішкені расталмай отырғанын мәлімдеген. Сондай-ақ, құжаттарға сәйкес, ол полицияға өзі келген делінген.

Алайда полиция бұл мәліметтерді жоққа шығарды - тергеу мәліметінше, жол апаты болған жерден Ильяс Кар мас күйде жаяу кеткен. Ол бір тәуліктен кейін ұсталған.

Ұсынған: Назерке Лабихан

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір