• USD 378.65
  • EUR 430.07
  • RUB 6
  • CNY 55.1
22 Шілде, 15:55:55
"НЛО" деген жарықтық не болып шықты?(видео)

04 Сәуір, 2019

Димаштың португалдық жанкүйері қазақтардан кешірім сұрады (видео)

Лара Алейхо бірнеше ай бұрын Димаштың "Ұмытылмас күн" әнін қазақ тілінде айтып көптің көңілінен шыққан болатын.

"Ұмытылмас күн" және "Дударай" әнін қазақ тілінде орындаған Димаштың жанкүйері қазақ халқынан кешірім сұрады деп жазады Qamshy.kz ақпарат агенттігі. Лара Алейхо қазақ халқының мәдениеті мен өнеріне қызығушылық танытып жүргенін айтты. 

Лара Алейхо бірнеше ай бұрын Димаштың "Ұмытылмас күн" әнін қазақ тілінде айтып көптің көңілінен шыққан болатын. Жақында "Дудар-ай" әнін қазақ тілінде орындады. Алайда аталмыш видеодағы киіміне қатысты көптеген сыни пікірлер айтылған. Келеңсіз жайтқа байланысты португал қызы қазақ халқынан Instagram парақшасы арқылы кешірім сұрады. 

♦Португал қызы Димаштың әнін қазақ тілінде орындады (видео)

"Құрметті оқырмандарым! Мен бұл жазбам арқылы қазақ халқынан кешірім сұраймын. "Дудар ай" әнін орындау арқылы мен қазақ халқының мәдениеті мен өнеріне құрметпен қарайтынымды білдіргім келген еді. Бұл ең маңыздысы. Қазақ деген ұлы халықтың мәдениеті мен өнеріне қызығушылық танытып жүрмін. Сол себепті аздаған олқылықтарға көңіл бөлмеулеріңізді сұраймын. Менің киімім Еуропа елдерінде де, Португалияда да қалыпты киім деп есептелінеді. Тіпті жоғары бағаланады. Сондай-ақ мен бұл киімді жалғыз өзім таңдамадым. Мұндай жұмыстарды атқаратын арнайы топ жасақталған. Сол себепті түсіністік танытасыздар деп үміттенемін. Мен қазақ халқының өнері мен музыкасына деген махаббатымды көрсеткім келді. Сіздердің қолдау білдіргендеріңіз үшін алғыс айтамын. Мен мұны қатты бағалаймын. Барлығыңызды жақсы көремін және тағы да кешірім сұраймын!", - деп жазды Лара Алейхо. 

Аударған: Әсел Болатқызы

Қате тапсаңыз, қажетті бөлікті таңдап ctrl+enter басыңыз.

Пікір қалдыру

0 пікір