• USD 378.65
  • EUR 430.07
  • RUB 6
  • CNY 55.1
21 Шілде, 09:23:57
Кайдзеннің өндірістегі қағидалары

15 Сәуір, 2019 Саясат

Тоқаев пен Мирзиеев кездесуі: қазақ-өзбек шекарасы

Әскери-техникалық, қорғаныс, шекара және келісімдік-құқықтық мәселелер сөз болды.

Мемлекет басшылары Қазақстандағы өзбектер мен Өзбекстандағы қазақтардың этникалық, тілдік және халықтық мәдениетті нығайтуға уағдаласты.

Қазақстан президенті Қасым-Жомарт Тоқаев пен Өзбекстан көшбасшысы Шавкат Мирзиеев шекараны демаркациялау үдерісі сәтті жүзеге асып жатқанын айтты. Кездесу барысында бірқатар әңгімелер айтылып, Тоқаев Өзбекстан лидерін Қазақстанға шақырды.

"Мемлекет басшылары қазақ-өзбек шекарасының демаркациялау барысын талқылап, жіберілу пунктін нақтылап, шекара бойында орналасқан елді-мекендердің өмірі туралы сөз етісті. Сондай-ақ, экономикалық байланыстар мен гуманитарлық арақатынасты нығайту үшін екіжақты барыс-келіс мөлшерін көбейтуге уәделесті", - деп көрсетілген Ақорда сайтында.

Қос көшбасшы екі ел арасындағы келісімдік-құқықтық базаны кеңейту жөніндегі ниеттерін ортаға салды. Сонымен қатар, 2020 жылға дейін екіжақты сауда көлемін 5 миллиард долларға дейін арттыруды көздейтіндерін жеткізді. Сондай-ақ, қорғаныс және әскери-техникалық ауқымда, космостық зерттеу бағытында тізе қосып жұмыс жасау туралы талқыланды.

Еске сала кетейік, Қазақстан президенті Қасым-Жомарт Тоқаев үстіміздегі жылдың 14-15 сәуірінде Өзбекстанға мемлекеттік сапармен барған. Кеңейтілген отырыста көршілес елдер арасындағы ынтымақтастық, экономикалық байланыс және тағы да басқа мәселелер сөз болды.

Қате тапсаңыз, қажетті бөлікті таңдап ctrl+enter басыңыз.

Пікір қалдыру

1 пікір

Аскарова 16 Сәуір, 2019

Сауда саттықтағы қарым-қатынасты арттыру екі ел экономикасы үшін де тиімді болмақ.