• USD 378.65
  • EUR 430.07
  • RUB 6
  • CNY 55.1
19 Шілде, 05:25:15
Путин Зеленскийге барлық тұтқынды алмастыруды ұсынды

16 Сәуір, 2019 NEWS

Тексеріс аяқталды: қару мен ақша табылған көлік әкімнің ұлына тиесілі

Жүксалғышынан бума-бума ақша мен оқ дәрі, травмат табылған.

Жүксалғышынан бума-бума ақша мен оқ дәрі, травмат табылған модельдегі Toyota Camry автокөлігі Талдықорған әкімі Дастан Шалтабаевтың баласына тиесілі екені расталды.

Айта кету керек, наурыз аяғының соңында жол-көлік полициясы шетелдік маркадағы көлікті тоқтатады. Көлік тізгінінде әкімнің ұлының досы болған. 055 QQQ 05 номерін тағып, терезелерін қараңғылаған көлік полиция қызметкерлерінің көңіліне күдік салса керек. Бірақ көлік ішінде әкімнің баласы Тұрлыхан Тұрарбек болмаған. Ол сабақта отырғанда А. Шәріпов, Н. Мақұл және С. Бейсен есімді достары көңіл көтермек болған сыңайлы. 

Тексеріс барысында бірқатар заңсыз дүниелер табылып, тәркіленген. Олардың барлығы Н. Мақұл есімді жасөспірімге тиесілі болса керек-мыс. Өйткені, осы азаматтың тарапына ҚР ҚК 287 бабының 2-тармағы бойынша (заңсыз қару, жарылғыш заттар тұтыну, тасымалдау) іс қозғалып, сотқа дейінгі тергеп-тексеру әрекеті жүргізілуде. 

Қазір Талдықорғанның экс-әкімі Дастан Шалабаев жаңа қызметке ауысты. Әкімдіктен кеткен ол «Қорғас» Шекара маңы ынтымақтастығының халықаралық орталығына жұмысқа орналасты. Қызметтік тексерулер оның ешқандай құқық бұзушылыққа бармағанын дәлелдеді.

Қате тапсаңыз, қажетті бөлікті таңдап ctrl+enter басыңыз.

Пікір қалдыру

1 пікір

Самат 16 Сәуір, 2019

Мұғалімнің баласы пышақпен ұсталса террорист деп сотталып кететін еді