• USD 378.65
  • EUR 430.07
  • RUB 6
  • CNY 55.1
18 Шілде, 16:58:14
Қазақстан мен Өзбекстанды байланыстыратын жаңа жол ашылды

18 Сәуір, 2019 NEWS

Үстіне шкаф құлап, еріні жыртылған баланың ата-анасы наразылық білдіруде

Енді істің анық-қанығын нақтылауға полиция кірісті.

Ақтөбе облысы, Бестамақ ауылындағы мектеп алды даярлық сыныбында оқитын 6 жасар баланың үстіне шкаф құлап кеткен. Сабақ уақытындағы келеңсіздік үшін ешкімнен жауап алынбайды деп хабарлайды Qamshy.kz ақпарат агенттігі Диапазон порталына сілтеме жасап.

Үстіне шкаф құлаған баланың еріні жыртылып, денесінің біршама жері көгерген.

Алға аудандық білім бөлімінің басшысы Жанар Утепбергенова баланың өзі шкафқа тығылғанын, сосын басын соғып алып, сол кезде ерінін тістеп қалғанын алға тартады. Ал мұғалім бұл жағдайды назарынан тыс қалдырған. Мектепте балаға жедел медициналық көмек көрсететін маман да болмапты.

Жарақат алған баланың ата-анасы мұны жауапсыздық деп қабылдап, әлеуметтік желіге дененің көгерген жерлерін фтотға түсіріп жүктеген. Енді істің анық-қанығын нақтылауға полиция кірісті.

"Аталмыш оқиға бойынша ҚР ҚК 156-бабына (Еңбекті қорғау қағидаларын бұзу) сәйкес іс қозғалды. Дегенмен, тексеру амалдары барысында ешқандай қылмыстық әрекет орын алмағаны нақтыланып, іс тоқтатылды. Ата-аналар тарапынан қарсылық жоқ", - деді полиция департаментінің баспасөз қызметінің жетекшісі Ерболат Сарқұлов.

Ұсынған: Әділет Мәдениет

Қате тапсаңыз, қажетті бөлікті таңдап ctrl+enter басыңыз.

Пікір қалдыру

0 пікір