• USD 378.65
  • EUR 430.07
  • RUB 6
  • CNY 55.1
22 Тамыз, 19:12:38
Атыраулық «Жасыл ел» сарбаздары облыс аумағын 180 текше метр қоқыстан тазартты

30 Сәуір, 2019

Алматыда тағы да бір азамат баннер ілгені үшін 5 тәулікке қамалды

"Ұсақ бұзақылық" деген баппен айыпталыпты.

29 сәуірде Алматы қалалық мамандандырылған ауданаралық әкімшілік соты әл-Фараби даңғылы бойындағы жаяу жүргіншілер көпіріне Қазақстан Конституциясынан цитата ілген Роман Захаровты ұсақ бұзақылық бабымен 5 тәулікке қамады. Бұл туралы Захаровтың адвокаты Ерлан Ерболатұлы мәлімдеді деп хабарлайды Qamshy.kz ақпарат агенттігі Азаттық радиосына сілтеме жасап.

Әлеуметтік желідегі суреттерге қарағанда, Захаров ілген баннерде Конституцияның 3-бабы 1-тармағындағы "Мемлекеттік биліктің бірден-бір бастауы - халық" деген сөз жазылған.

Адвокат "Үлгерсек Захаровқа шыққан шешім үстінен бүгін шағым түсіреміз" деді. Ерболатұлының айтуынша, олар Захаровты қамау туралы сот қаулысын әлі алмаған.

"Полиция видеобақылау камерасындағы бейнені де, өздерінің видеожетондарындағы жазбаны [сотта] көрсетпеді. Видео полицияның жеке құрылғысынан көрсетілді", - деді адвокат. Оның сөзінше, бұл видеоны істе айғақ деп танымау туралы адвокат өтінішін сот қанағаттандырмаған.

"Сот қаулысын ала сала, шешім үстінен шағымданамыз", - деді Ерболатұлы.

Адвокаттың айтуынша, Захаров дүйсенбі күні таңертең ұсталған. Алматы қалалық сотының баспасөз хатшысы Диас Махамбетов бұл ақпаратты растады.

"Әкімшілік құқық бұзушылық кодексінің 434-бабы 1-тармағымен (қоғамдық орындарды ластау, оның iшiнде белгiленбеген орындарға коммуналдық қалдықтарды тастау) 5 тәулікке қамалды. Адам жүретін жерге пластик бау, скотч пен ақ мата сияқты тұрмыстық қалдық тастаған", - деді Махамбетов.

Сот алдында жүрген Азаттық тілшісіне Захаровтың достары "суретшіні полиция бөлімшесіне 9 сағат ұстады" деген. Қалалық сот тілшінің "Бұл рас па?" деген сұрағына "Білмеймін" деп жауап берді.

Ұсынған: Әділет Мәдениет

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір