• USD 378.65
  • EUR 430.07
  • RUB 6
  • CNY 55.1
17 Шілде, 18:50:19
Ұлттық қоғамдық сенім кеңесінің ережесі мен құрамы бекітілді

03 Мамыр, 2019 Аймақтар

Мәжіліс депутаттары Атырау облысының шалғай елді мекендерін аралады

Іс-сапардың басты мақсаты — Азғыр өңіріне газ тарту және оның жұмыс барысымен танысу.

ҚР Мәжіліс депутаттары Азғыр өңірінің тұрғындарымен кездесу өткізді, деп xабарлайды Qamshy.kz ақпарат агенттігі Атырау облысының Өңірлік коммуникациялар қызметінің дерегін негізге алып. Іс-сапардың басты мақсаты — Азғыр өңіріне газ тарту және оның жұмыс барысымен танысу. 

Тұрғындармен кездесуге Парламент депутаттары Бақтықожа Ізмұхамбетов, Абай Тасбулатов, Тарас Хитуов, Сергей Симонов және Атырау облысы әкімінің бірінші орынбасары Серік Шапкенов келді.

Атырау

Өз сөзінде ҚР Мәжіліс депутаты Бақтықожа Ізмұxамбетов ағымдағы жылдың мамыр айының соңына дейін 10 елді мекенге газ тартылатынын атап өтті.

Атырау

"Бұл елді мекендегі ең үлкен жұмыс — газ жүргізу. Облыс әкімі Нұрлан Ноғаев осы үлкен жұмысты бітіргелі жатыр. Жаңа біз жұмыс барысының қалай жүріп жатқанын қарап өттік. Ұзындығы 365 шақырымды құрайтын жұмыс сәтті аяқталғалы жатыр. Алдымыздағы мамыр айының аяғында іске қосылуы тиіс. Бұл жерге бір айдың көлемінде көгілдір отын жететін болады. Сонда 10 елді мекен газбен қамтылатын болады. Бұның бәрі Елбасының жеке туғызып отырған мүмкіндігінің арқасы", - деді мәжіліс депутаты Бақтықожа Ізмұхамбетов.

Сондай-ақ, депутат атаулы әлеуметтік көмек, көпбалалы, аз қамтылған отбасыларды қолдау және жалақы өсіру төңірегінде Елбасы қабылдаған тапсырмаларды халыққа таныстырып өтті.

Жиын соңында мәжіліс депутаттары тұрғындардың көкейкесті сұрақтарына жауап берді. 
Айта кетейік, бұл жоба 8 мың тұрғыны бар 10 елді мекенді қамтиды. Азғыр аймағындағы газ құбырының жалпы ұзындығы 365,242 километрді құрайды.

Ұсынған: Әсел Болатқызы

Қате тапсаңыз, қажетті бөлікті таңдап ctrl+enter басыңыз.

Пікір қалдыру

0 пікір