Атақты француз режиссері өмірден озды.

11-мамыр күні Париж қаласында атақты "Звук и ярость", "Белая свадьба" және "Девушка из ниоткуда" кинотуындыларының режиссері, француз азаматы Жан-Клод Бриссо 74 жасында қайтыс болды деп хабарлайды Qamshy.kz ақпарат агенттігі Франс-Пресс басылымына сілтеме жасап.

Жергілікті мекемелер режиссердің неден қайтыс болғаны туралы ақпаратты көрсетпеді. Режисердің таныстары оның ұзақ уақыт ауырып, ауруханада көз жұмғанын растады.

Бриссо өзінің  "Жастар қазылығының арнайы сыйлығын" алған "Звук и ярость" фильмінің арқасында 1988 жылы Канн кинофестивальінде екі жүлдеге ие болған, ал 2003 жылы режиссерға "Тайные страсти" фильмі "Жылдың ең үздік кинематографисті" атағын алып берді.

Естеріңізге сала кетейік, 2012 жылы Бриссо Локарно қаласында 64-ші кинофестивальдің жеңімпазы атанып, "Алтын леопард" номинациясының иегері болды, сонымен қатар "Девушка из ниоткуда" кинолентасы үшін 90 мың швейцар франкімен қоржынын толтырған.

Аударған: Бек Байтас