• USD 378.65
  • EUR 430.07
  • RUB 6
  • CNY 55.1
21 Шілде, 08:40:59
Кайдзеннің өндірістегі қағидалары

13 Мамыр, 2019 Әлеумет

Жастарды жұмысқа аларда сіз білуге тиіс Z факторлар

Қызметке адалдық, тұрақтылық – талантты жастар талабы

Бүгінгі күні кез-келген ұжым өз қызметкерлерінің жастар қатарынан болғанын көксейтіні өтірік емес. Сондықтан талантты, іскер жастарға деген сұраныс пен оларды өз қатарына қосу жолындағы компаниялар арасындағы бәсекелестік те қарқын алып тұр. Бұл жағдайдың орын алуына да себеп бар. Өйткені, руханият  жаңарып, технологиялық революциялар орын алып жатқан уақытта заманауи үдерістермен қатар тыныстап өскен жастардың еңбек өнімділігі, жылдамдығы жоғары болары хақ.

Қазір Z буын деп саналатын 16-18 жастағы жастардың жұмысқа орналасу барысындағы көздейтіндері өздерінен әлдеқайда еңбек тәжірибесі көп қызметкерлері бар ұжымды таңдайды.

Бұған да себеп бар. Өйткені, 2000 жылдан бері қарай дүниеге келген жастардың жұмысқа деген көзқарасы мүлде бөлек. Олар жұмыста ұжымға пайда келсін деген мақсатпен емес, өздерінің жеке мүдделерін қанағаттандыру үшін еңбек етеді.

Manpower Group компаниясы талантты жастарды ұжымға тарту үшін не істеу қажеттігін және оларды қалай қызықтыру керектігін зерттеп көрген.

Мансап туралы ұмытыңыз: өз бақытыңыз үшін жұмыс жасаңыз

Жастар қауымы қазір жетістікті мансап пен ақшаның молдығына баламайды. Керісінше олар үшін жетістік – бірсарынды өмір сүрмеу, ел мен жер көру, тәжірибе алмасу, жеке тұлға ретінде сапасының артуы.

Мансап қуу, қызметтік жоғарылау секілді абыройларды армандау – байырғының ісі іспетті болып қалыптасуда. Қазіргі жастар өз қарым-қабілетіне қарай жұмыс істеуге бейімделген.

Әркім өзінің деңгейіне қарай әрекет етеді. Мысалы, басшылық қызметке ыңғайы келетін азаматтар басқару ісін меңгеріп, өз қабілетін кәсіби тұрғыда дамытады. Осы секілді әркім өзін кәсіби тұрғыда дамытып, өз жағдайын жасауға ұмтылады.

Қазір әлемде мынадай қағида бар: "Сенің жасап жатқан жұмысыңа қаншалықты аз жалақы төленсе де, сен сол қызметіңнен ләззат ала алсаң, өзіңді жақсы сезіне алсаң, сен – бақыттысың".

Осыған орай, қызмет ұсынушы ұйымдар да жұмысқа қаражат табу, материалдық жағдайын ұлғайту мақсатында емес, қызметке нағыз махаббатпен келген мамандарды алуға бейімделіп келеді.

Мысалы, BBDO және RCG атты жарнама холдингтері университет қабырғасында жүрген төменгі және жоғары курс студенттеріне арналған ақылы еңбек тәжірибесін жариялаған. Бұл жерге еңбек тәжірибесінен өтуге барған студент едәуір сумманы құрайтын жалақы алады. Бұдан бөлек, студенттің еңбек өнімділігі, кәсіби қабілеті, ынтасы жоғары дәрежелі мамандарға ұнаған жағдайда жұмысқа шақырту алуға мүмкіндігі бар. Қазір бұл әдісті әлемнің бірнеше үлкен компаниялары, холдингтары қолдануда.

Қоғамдық жобаларды қолға алыңыз

Бүгінгі күнгі жас буын өкілдері әлеуметтік жобаларды қолға алуды дұрыс деп есептейді. Мысалы, жақында ғана аяқталған футболдан Әлем Чемпионатының ұйымдастыру ісіне 17000-нан астам ерікті жастар атсалысқан. Бұл арқылы қазіргі жастардың қоршаған ортаны сақтауға, ізгілікке бет бұруға, қайырымды болуға, экологиялық тазалыққа аса үлкен көңіл бөлетінін байқауға болады.

Жас буын қатарларының көпшілігі эко өнімдер өндіретін компанияларға, таза сапалы тауар өндіретін өндірістерге, электр энергиясын, суды үнемдейтін ұжымдарға қызметке орналасқанды қалайды.

Осы дағдылардың белең алуына байланысты әлемдік аренадағы көптеген ұжымдар жұмыс уақытының бір бөлігі ретінде таза қала үшін, салауатты өмір салтын сақтау мақсатында түрлі акциялар өткізіп тұруды дұрыс деп есептейді. Олар осындай кішігірім шаралары арқылы талантты жастарды өзімізге тартамыз деп ойлайды. Сонымен қатар, қазіргі уақытта көптеген ұжымды қашықтықтан жұмыс істеу, еркін жұмыс уақыты сынды қағидалар қалыптасып келеді. Өйткені, жастар жағы таңнан қара кешке дейін кеңседе орындыққа таңылып отырғанды қаламайтыны анық.

Қызметке адалдық, тұрақтылық – талантты жастар талабы

Барлық қызмет салаларында "жастар жағы қызметке адал емес, тұрақты емес, көксегендері ақша" деген пікір желдей еседі. Бірақ Audi компаниясы 5000 жас буын өкілдерінен сауалнама алу арқылы бұл пікірді толықтай жоққа шығарды.

Расында, Z ұрпақтардың 48 пайызы өмір бойы бір орында тұрақты жұмыс жасағанды қалайтынын білдірген. Сауалнамаға қатысушылардың тек қана 7 пайызы өз мансаптарын бір жұмыс берушінің қарамағында өткізуге дайын емес екендерін білдірген.

Қазіргі жастар бір жұмыс орынынан өзінің қажеттіліктерін өтейтін, қызметтен ләззат ала алатын орын тапса, яғни, "комфорт аймағын" кезіктірсе, сол орыннан қозғалуға аса бір құлшыныс таныта қоймайды. Жастардың көпшілігінің пікірі бойынша, жалпы мансабында жеті реттен көп жұмыс орынын ауыстыру тым артық. Бұл жағдай оларды тұрақсыздыққа алып барады екен.

Audi компаниясының зерттеу нәтижелеріне қайта оралсақ. Жастардың көпшілігі бір жұмыс берушінің қол астында мынадай талаптары орындалса ғана қалуға дайын екен: мансаптық өсу, біліктілігін арттыру және қызығушылық танытқан идеяларына қолдау көрсетіп, жақсы қаражат төлеу.

Жастарды ұжымға тарту үшін қажетті жағдайды жасау керек

Қазіргі уақыттағы жұмыс орынына сұранысы артып тұрған жастар "саусағында батырмасы бар" ұрпақтар қатарынан болғандықтан, олар үшін ғаламтордың алатын рөлі үлкен. Олар өз өмірлерін ғаламтор мен түрлі гаджеттерсіз елестете алмайды. Ең ақыры, тілі шыға қоймаған балалардың өзі ұялы телефоннан ойын ойнап, оп-оңай басқарып отырады.

Екіншіден, жастар кеңсенің алыс-жақын екендігіне, оның орналасу аймағына, кеңсе жанында орналасқан мәдени һәм ойын-сауық нысандарына да үлкен көңіл бөледі. Жұмыстан кейін серуендейтін саябақтар да бұл ретте маңызды рөл ойнайды.

Көп тапсырма жүктеу – жастардың біліктілігін арттыратын фактор

Жаңа буын өкілдері ақпараттарды бір уақытта түрлі көздерден қабылдай алады. Мысалы, планшеттен, ұялы телефоннан, компьютерден, ноутбуктан, теледидардан.

Сондықтан, олардың жүктемелерін арттыру, еңбек жылдамдығын талап ету – өнімділікті арттыруға, біліктілік деңгейін көтеруге себеп болатын дүние.

Жалпы, бүгінгі мақаламызда талантты жастарды өзіңіздің ұжымыңыздың мүшесі ету үшін қажетті деп саналатын бірнеше қажеттіліктерді көрсеттік деген ойдамыз.

Талантты жастар – ұжымның бәсекеге қабілеттілігін арттырып, болашағының жарқын болуына үлес қосуға қажетті мамандар.

Қате тапсаңыз, қажетті бөлікті таңдап ctrl+enter басыңыз.

Пікір қалдыру

0 пікір