Шығыс Қазақстан облысында үй өртеніп, ер адам қаза тапты

Алтай ауданында жер үй түгелімен өртеніп кетті. Өрт салдарынан бір ер адам қаза тауып, қалған төрт адамды ауруханаға жеткізді деп хабарлайды Qamshy.kz ақпарат агенттігі YK-news.kz сайтына сілтеме жасап.

Өрт Путинцев ауылында болған. Үй өртеніп жатқанын көрген куәгерлер дереу құтқарушыларды шақырған. Көршілер өртке оранған үйден 65 және 35 жастағы әйелді, сонымен қатар 14-тегі қыз баланы және 4-жасар баланы алып шықты деп хабарлады Шығыс Қазақстан облысының Төтенше жағдайлар департаменті. Зардап шеккендер жедел-жәрдем дәрігерлеріне тапсырылып, дереу ауруханаға жеткізілді.

«Өрт сөндіру кезінде 1965 жылы туған ер адамның мәйіті анықталды», - деді Төтенше жағдайлар департаменті.

Өрттің жалпы ауданы – шаршы метр. Бұл жағдай электр желісін дұрыс пайдаланбау салдарынан болуы мүмкін.

Ұсынған: Маржан Сәбет