Жаңаөзенде балалар ойнайтын батутты жел ұшырды (видео)

Маңғыстау облысындағы Жаңаөзен қаласында қатты жел батутты ұшырып әкетті деп хабарлайды Qamshy.kz ақпарат агенттігі Sputnik Қазақстан сайтына сілтеме жасап. 

Облыс әкімінің баспасөз хатшысы Самат Сүлей атап өткендей, оқиға бүгін таңертең болған, ешкім зардап шекпеген.

"Батут қатты желден ұшып кеткен. Батутты орнатып жатқан кезде жел ұшырып әкетіпті. Ол кезде батутта балалар жоқ болатын", - деді облыс әкімінің баспасөз хатшысы. 

Әлеуметтік желідегі видеода үлкен батутты жел ұшырғанын көруге болады. Мемлекеттік органдар батут иелеріне қауіпсіздік ережелерін түсіндіру жұмыстарын жүргізген. 

Ұсынған: Маржан Сәбет