• USD 389.52
  • EUR 429.21
  • RUB 6.07
  • CNY 54.94
14 Желтоқсан, 02:50:22
Қазақстан Украинаның сауда нарығына алаңдаулы

30 Мамыр, 2019 Әлемде

Қытайдағы қандасымыз аштықтан әлем рекордын орнатпақ (видео)

"Біріншіден, адамзат тарихында болмаған аштыққа қатысты рекорд жасағым келеді, екіншісі, өзімді жеңігім келеді"

Қытайдағы қандасымыз тамақ жемей, тек суды қорек етіп 5000 шаршы шақырымды жаяу жүріп өту үшін жолға шығыпты деп хабарлайды Qamshy.kz ақпарат агенттігі.

Бұл туралы Ерлан Төлеубай фейсбук парақшасында жазды. 

Жазбаға сүйенсек, Қытайдың Іле Қазақ автономиялы облысы, Қорғас ауданы, Тұнық су қалашығы, Шичязы қыстағында 1980 жылы дүниеге келген Серік Зейнелұлы есімді қандасымыз биылғы жылдың 31 наурызынан бастап тек суды қорек етіп, тамақ ішпеген. Сөйтіп, тамақ ішпей 39 күн өз-өзіне сынақ жасаған. 39 күн бойы Шихуың тауларына шығып, әртүрлі жаттығулар жасап, денесін шынықтырған.

Екі ай бойы өзін физикалық, рухани тұрғыда дайындаған Серік мамыр айының алтысынан бастап "аштықтан дүниежүзілік рекорд жасаймын" деп жариялаған. Сөйтіп, Тарбағатай аймағы Шиху қаласынан туған-туыс, үлкендердің ақ батасын алып, шығыстағы Шаңхайға қарай бет алған.

Мамыр айының 8 күні Шихудан аттанып 18 күн жол жүріп, мамырдың 25 күні Шихудан қазіргі Мори қазақ автономиялы ауданы Шоқпартас қалашығына дейін 700 шаршы шақырым жолды жаяу жүріп өткен.

Тамақ жемей, тек суды қорек етіп жүргеніне алпыс күндей болған Серік Зейнелұлы көздеген межесі Шанхайға дейін әлі шамамен  4000 шаршы шақырым жол бар.

Мұндай сапарға аттанғанының екі себебін айтып өткен. "Біріншіден, адамзат тарихында болмаған рекорд жасағым келеді, екіншіден, Абай атам айтпақшы, "мықты болсаң, өзіңді жең" деген сөзді ұран етіп, өзімді жеңу үшін де осы сапарға аттандым" - дейді Серік Зейнелұлы.



Ұсынған: Мақпал Сембай

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір