02 Маусым, 2019 Маңғыстау облысы
Ақтау қаласы химия-биология бағытындағы Назарбаев Зияткерлік мектебінің «Мейірім өскіні» қайырымдылық еріктілер тобының оқушылары «Оразаның дәмі» атты қайырымдылық акциясын ұйымдастырды. Шара аясында жас зияткерлер Маңғыстаудағы үш отбасыға қамқорлық көрсетіп, азық-түлік және бір қойдың бөлігін ұсынды.
-Біздің қайырымдылық топ осыған дейін өткізген шаралардан түскен қаражат жиналған еді. Сол ақшаға бір қой мен азық-түлік алдық. Қойды үш отбасыға бөліп тапсырдық. Бұл арқылы біз қайырымдылық жасау үшін көп соманың қажет емес екендігін көрсеткіміз келді, -дейді білім ордасының биылғы жылғы түлегі Жұмабек Аман.
Зияткерлік мектеп оқушыларынан құралған қайырымдылық тобы осыған дейін де бірнеше шараларды ұйымдастырып, аз қамтылған отбасыларға мүмкіндіктерінше көмектесіп келеді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір