• USD 378.65
  • EUR 430.07
  • RUB 6
  • CNY 55.1
22 Тамыз, 23:47:36
Атыраулық «Жасыл ел» сарбаздары облыс аумағын 180 текше метр қоқыстан тазартты

13 Маусым, 2019 Бизнес

Миллиардер—кәсіпкер Майкл Блумберг: Қызметкерлерімнің бір де біреуінде, тіпті менің де жеке кабинетім жоқ

Ол Bloomberg ақпараттық агенттігінің негізін қалаушы әрі қожайыны.

Майкл Рубенс Блумберг (ағылш. Michael Bloomberg) (14 ақпан 1942, Брайтон, Бостон ауданы, Массачусетс, АҚШ) — кәсіпкер және Нью-Йорктің 108-ші мэрі. Forbes нұсқасында ол әлемдегі ең бай адамдар тізіміне кіреді.  2018 жылдың 5 мамырдағы санақ бойынша Майкл Блумберг 50,4 млрд доллар байлығымен 11-орында. Ол Bloomberg ақпараттық агенттігінің негізін қалаушы әрі қожайыны.

Qamshy.kz ақпарат агенттігі оқырмандар назарына кәсіпкердің бірнеше ой-түйіндерін ұсынады.

*Егер мемлекеттік қызметте жұмысқа орналасуды ойластырып жүрген болсаңыз, алдымен миллионер болып алуға кеңес берер едім.  

*Уақыт өткен сайын өмірде бәріне: ақша, сәттілік, атақ-даңқ, билік, халықты мойындауына қол жеткізгеннен кейін, фрустрациялық күйге түсіп, бәрін қайтадан бастағым келеді.

(Түсіндірме: Фрустрация - [лат. frustratio – алдау, сәтсіздік, ақталмаған үміт ] - алға қойған мақсаттарына жете алмаған, жоспарлары күл-талқан болып күйреген адам басынан өткеретін уайым, үрей билеген психологиялық жай-күй. 

*Егер сіз өзімшіл идеалист болсаңыз, ал «мен» және «маған» деген сөздер тілдік қолданысыңызда жиі пайдаланатын сөз болса, ендеше, жетістікке жете алмайтыныңызға кепілдік беремін.  

*Компаниямдағы адалдықты  ерекше бағалаймын. Бізбен бірге емес жанның бәрі автоматты түрде қарсыласымыз болады.

*Дамыған сайын Сіз дөп тигізу қиынға соғатын қозғалыстағы нысанаға айналасыз. Дамуды тоқтатқан бойда Сіздің көзіңізді жою оп-оңай болады.

*Адамдар – компаниямның ең керемет ресурсы.

*Қызметкерлерімнің бір де біреуінде, тіпті менің де жеке кабинетім жоқ.

*Компаниямдағы біреу-міреу бәсекелестерім жағына өтіп кетсе, ол адамның ісі өрге баспауы үшін бар күшімді саламын, қарап қалмаймын.

*Өз ісіңді дамыту кезінде әртүрлі кедергілерге жолығасың. Сөйтіп, оларды қиындық деп есептейсің. Расымен де солай. Әрқашан да шығар жолды іздеуің керек.

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір