• USD 383.43
  • EUR 429.83
  • RUB 5.96
  • CNY 55.39

13 Маусым, 2019 Саясат

Тоқаев агенттікті екіге бөлді. Енді жемқорларға жойқын шабуыл басталатын шығар

Екі ведомство да ҚР Президентіне тікелей бағынатын және есеп беретін болады. 

Мемлекет қызмет істері және сыбайлас жемқорлыққа қарсы іс-қимыл агенттігі екі ведомствоға бөлінді деп хабарлайды Qamshy.kz ақпарат агенттігі. Бұл туралы ақпарат Ақорда сайтында жарияланды. 

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Қазақстан Республикасының Мемлекеттік қызмет істері агенттігі болып өзгерді. МҚІА - мемлекеттік қызмет жүйесін және сыбайлас жемқорлыққа қарсы іс-қимылды одан әрі жетілдіру мақсатында жұмыс істейтін болады. 

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл ұлттық бюросы (Сыбайлас жемқорлыққа қарсы қызмет) ҚР Президентiне тікелей бағынатын және есеп беретін мемлекеттік орган ретінде ҚР Сыбайлас жемқорлыққа қарсы іс-қимыл агенттігі болып өзгерді. 

Сыбайлас жемқорлыққа қарсы іс-қимыл агенттігі сыбайлас жемқорлық қылмыстық құқық бұзушылықтарын анықтауды, жолын кесуді, ашуды және тергеуді жүзеге асыратын құқық қорғау органы болады. 

Екі ведомство да ҚР Президентіне тікелей бағынатын және есеп беретін болады. 

Қазақстан Республикасы Президентінің қарауына Қазақстан Республикасының Мемлекеттік қызмет істері агенттігінің және Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) төрағаларымен бірлесіп: агенттіктер туралы ережелердің жобаларын;

Осы Жарлық қол қойылған күнінен бастап қолданысқа енгізіледі.

Қате тапсаңыз, қажетті бөлікті таңдап ctrl+enter басыңыз.

Пікір қалдыру

0 пікір