• USD 378.65
  • EUR 430.07
  • RUB 6
  • CNY 55.1
19 Шілде, 18:41:08
Путин Зеленскийге барлық тұтқынды алмастыруды ұсынды

16 Маусым, 2019 Саясат

Басшылар басқосуы. Путин мен Рахмон құшақтасып, Тоқаев топтан тысқары жүр (видео)

Азиядағы өзара ықпалдастық және сенім шаралары жөніндегі кеңестің (АӨСШК) V саммиті  өтті.

15 маусымда Тәжікстан астанасы Душанбеде Азиядағы өзара ықпалдастық және сенім шаралары жөніндегі кеңестің (АӨСШК) V саммиті  өтті. Оған  Қазақстан президенті Қасым-Жомарт Тоқаев та қатысты деп жазады Qamshy.kz ақпарат агенттігі Ақордаға сілтеме жасап.

Саммитке Тоқаевтан бөлек, Владимир Путин, Си Цзиньпин, Хасан Рухани, Шавкат Мирзияев, Абдулла Абдулла және басқа да 27 елдің басшылары қатысқан. Тәжікстан астанасында осындай өкілдік делегация алғаш рет жиналды. Сондықтан болар саммит өтерден бір күн бұрын, яғни,14 маусымда  Тәжікстан президенті Эмомали Рахмон қатысушылар үшін "Достық кешін" ұйымдастырды. Душанбе маңындағы Варзоб шатқалында орналасқан ел резиденциясында саммитке жиналған мемлекеттердің президенттерін қабылдау өтті.  

Ресейлік журналист Дмитрий Смирнов өзінің Twitter парақшасында Тәжікстан президенті Эмомали Рахмонның  Ресей президенті Владимир Путинді құшақтаған сәтін "Путин мен Рахмон Душанбеде: президенттік деңгейдегі құшақтасулар" деп жазған. 

Ал Қазақстандағы әлеуметтік желілерде ел президенті Қасым-Жомарт Тоқаевтың президенттер басқосуында топтан тысқары жүрген суреті қызу талқыланды. Фейсбук қолданушылары Тоқаевты Қазақстанның экс-президенті Нұрсұлтан Назарбаев сияқты "президенттер басқосуында топтың ортасында жүріп, көпшіліктің назарына түсе алмады" деп сынап жатыр.

Тоқаев

Ақорданың жазуынша, Тоқаев Тәжікстанға барған сапарында бірнеше елдің басшыларымен кездесті. Олардың қатарында Катар Әмірі Тамим бен Хамад Әл Тани,Тәжікстан президенті Эмомали Рахмон және Түркия президенті Режеп Тайып Ердоған бар.

Тоқаев өз баяндамасында Эмомали Рахмонға қонақжайлылығы, Саммитті жоғары деңгейде ұйымдастырғаны және президент болып сайлануымен құттықтағаны үшін ризашылық білдірді. Сонымен қатар, ол Тәжікстанның Азиядағы өзара іс-қимыл және сенім шаралары жөніндегі кеңеске төрағалығы Кеңесті Азия аймағындағы өте маңызды мәселелерді шешу ісіне белсенді жұмылдыруға септігін тигізетінін айтты.

Тоқаев 1992 жылы БҰҰ-да Қазақстанның алғашқы президенті Нұрсұлтан Назарбаевтың Азиядағы өзара іс-қимыл және сенім шаралары жөнінде кеңес өткізу жөніндегі ұсынған идеясы Азия құрлығының тарихында жаңа кезеңге жол ашқанын айтты.

"Бүгінде Азиядағы өзара іс-қимыл және сенім шаралары жөніндегі кеңес – Азия өңіріндегі 35 мемлекетті және жер шарындағы халықтың жартысына жуығын біріктіріп отырған тиімді көпқырлы құрылым", – деді Қасым-Жомарт Тоқаев.

Қазақстан президенті қақтығыстардың өрши түскенін, қауіпсіздік механизмдерінің эрозиясын, сауда және санкциялық соғыстарды, сондай-ақ, халықаралық терроризмнің белең алғанын атап өтіп, өңірдегі қауіпсіздікке төнген қатердің, идеологиялық, этникалық және дінаралық қайшылықтардың өршіп келе жатқанына алаңдайтынын айтты. Осыған орай, ол Азиядағы қауіпсіздіктің түйткілді мәселелерін шешу үшін жүйелі әрі кешенді әдістердің қажет екеніне тоқталып, аталған проблемаға байланысты Қазақстанның ұстанымын жеткізді.

"Барша достарымыз бен серіктестерімізді Форумның тиімділігі мен халықаралық бәсекеге қабілеттілігін арттыру үшін күш-жігер жұмылдыруға шақырамыз. Толыққанды өңірлік ұйым болу үшін бізге кеңесті рет-ретімен, біртіндеп трансформациялау қажет. Азиядағы өзара іс-қимыл және сенім шаралары жөніндегі кеңесті институционалды түрде қалыптастыру үшін барлық жағдай жасалған, құқықтық базасы әзірленген, оның тұрақты құрылымдары жұмыс істеп жатыр", – деді Тоқаев.

 

Қате тапсаңыз, қажетті бөлікті таңдап ctrl+enter басыңыз.

Пікір қалдыру

10 пікір

Ақиқат 16 Маусым, 2019

Тоқаев ұяты жоқ, намысы жоқ Назарбаев емес Путиннің жанынан шықпайтын.

Бакытгуль 17 Маусым, 2019

Ол кісі өте интелегент адам. Ақ сүйек деп айтуға болады. Намысшыл, біреулерге жалтақтамай, өзін достойно ұстап келеді. Тәрбиесі оган жібермейді.

Ақиқат 16 Маусым, 2019

Тоқаев ұяты жоқ, намысы жоқ Назарбев емес. Путиннің жанынан шықпайтын.

Ақиқат 16 Маусым, 2019

Тоқаев Назарбев емес Путиннің Жанынан шықпайтын.

Бақан 16 Маусым, 2019

Өзін алыстау ұстағаны дұрыс, ауыз жаласқан диктаторлардан мезі болғаны да. Рессей мен қытайға ыстық та, суық та емес қарым- қатынас ұстанса дейміз. Тәжік пен қырғыздың күні рессейге қарап қалған, біз ондай емеспіз. Біз жілікті елміз, қуатты халықпыз, басшымыз да соған сай болу керек. Сондай- ақ, біз, халық та ірі, намысты болуымыз керек. Түптеп келгенде бәрі өзімізге, халыққа байланысты!!

Айгул 16 Маусым, 2019

ТОКАЕВ К, БУРЫНГЫ ПРЕЗИДЕНТПЕН САЛЫСТЫРЫП КАЖЕТИ НЕ? АР АДАМНЫН ОЗИ ЖЕКЕ ТУЛГА. БУЛ КИСИ МЕМЛЕКЕТ БАСШЫСЫ ГОЙ. БУЛ КИСИДЕН БАСКА ТАКЫРЫП ЖОК ПА, ЖУРНАЛИСТ КАУЫМДА???? ШЫНЫНА КЕЛСЕМ, КАЗЫР ТАН КАЛАТЫН ЕШКАНЛАЙ ДАНЕМЕ ЖОК....

Қасен Қияшұлы 16 Маусым, 2019

Тоқаев Назарбаев сияқты білімсіз,жалтақ басшы емес.Ол халықтың мұң-мүддесіне құлақ асар президент болар деп ойлаймын.Назарбаев секілді Путин мен Қытайға жалтақтай бермей ,өз алдына дербес басшы болуы керек.Сонда ғана басқалар бізбен санасады.

Болатбек 16 Маусым, 2019

Казакстаннын бедели тусти деген осы калайык .Токаевты президент екенау деп турган адам жок .

Бакытгуль 17 Маусым, 2019

Қайдағы бедел, керісінше өзін достойно ұстап келеді. Елге подхолимі жоқ. Намысы жібермейді, өйткені интелегент отбасында тәрбиеленген, Кемел Тоқаев жазушының ұлы.