• USD 468.56

  • EUR 497.56

  • RUB 7.3

  • CNY 67.18

29 Наурыз, 09:30:08
Алматы
+35°

21 Маусым, 2019 NEWS

Абаев Тоқаевтың тағайындауларына қатысты пікір білдірді (видео)

"Ресми түрде рәсімге қатысқандарға айтылғанымен, шын мәнісінде бүкіл халыққа, дипломатиялық корпусқа және бір жағынан әлемдік қауымдастыққа жасалған үндеу", - деді министр.

esquire.kz

 

Қазақстанның ақпарат және қоғамдық даму министрі Дәурен Абаев жаңа президент Қасым-Жомарт Тоқаевтың министрлер кабинетінде жасаған тағайындауларына қатысты пікір білдірді деп хабарлайды Qamshy.kz ақпарат агенттігі sputniknews.kz сайтына сілтеме жасап.

"Открытый диалог" бағдарламасының жүргізушісі қойған "Соңғы тағайындауларды ел билігіндегі ірі өзгерістердің басы деп санауға бола ма?" деген сұраққа министр былай деп жауап берді:

 

"Иә, жаңа президент бірқатар кадрлық тағайындау жасады. Бірақ бәрі үйлестірілген. Сол себепті бұл  Қасым-Жомарт Кемелұлы ұлықтау рәсімінде атап көрсеткен он тапсырманы орындауға атқарушы билікті бағыттау үшін жасалған басқарушылық қадам болды".

Министр атап өткендей, президенттің ұлықтау рәсімінде айтқан сөзі жай ғана алғысөз емес, саяси декларациямен тең. Әсіресе, жаңа президент сайланғанда оның маңызы зор.

"Ресми түрде рәсімге қатысқандарға айтылғанымен, шын мәнісінде бүкіл халыққа, дипломатиялық корпусқа және бір жағынан әлемдік қауымдастыққа жасалған үндеу", - деді министр.

Абаевтың айтуынша, президенттің сөзі Елбасының бағытын әрі қарай жалғастырып, өзгерістерге бет алу қажеттігін білдіреді. Әрбір пункт пен әрбір тапсырма қарапайым халықтың мұң-мұқтажы мен талап-тілектері негізінде айшықталды, деп санайды министр.

"Ұлықтау рәсімінде айтқан сөзі Тоқаевтың өзіндік бір месседжі сияқты болды: "Халықтың мұң-мұқтажын естідік, енді іске көшейік", - деді Абаев.

Еске сала кетсек, Қасым-Жомарт Тоқаев ұлықтау рәсімінен кейін Қазақстанда бірқатар тағайындау жасады. Бұдан бөлек, кейбір ведомстволар қайта ұйымдастырылып, сауда және интеграция, инновациялар және цифрлық даму, сондай-ақ экология, геология және табиғи ресурстар министрліктері құрылды.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір