• USD 378.65
  • EUR 430.07
  • RUB 6
  • CNY 55.1
17 Тамыз, 19:31:38
Медициналық сақтандыру: Өз денсаулығыңыз – өз қолыңызда

24 Маусым, 2019 Оқиғалар

Арыстағы жарылыс: бір азамат көлігіне снаряд түсіп, қаза тапты

Арыстағы жарылыстан зардап шеккендер ауруханаларға жеткізілген

Түркістан облысының әкімі Өмірзақ Шөкеев брифинг барысында Арыс қаласындағы жарылыс салдарынан бір адам қаза тапқанын айтты деп хабарлайды Qamshy.kz ақпарат агенттігі tengrinews.kz сайтына сілтеме жасап.

"Арыс қаласындағы жарылыс салдарынан зардап шеккендер саны - 31. Оның екеуі ауыр халде жатыр. Бір адам қаза тапты. Снаряд оның көлігіне түскен", - деді облыс әкімі. 

Арыста орын алған апаттан 23 адам әртүрлі дене жарақаттармен Түркістан облысына қарасты ауруханаларға жеткізілгені хабарланды. 

Олардың басым бөлігі Облыстық клиникалық ауруханада жатыр. Оларға барлық қажетті медициналық көмек көрсетіліп жатыр.

Осыған дейін, Арыстағы төтенше жағдайға орай Ордабасы ауданында медициналық штаб құрылғаны хабарланды.

"Түркістан облысы денсаулық сақтау басқармасының басшысы Мұқан Егізбаевтың басқаруымен шұғыл жұмыстар жүргізіліп жатыр. Ордабасы аудандық орталық ауруханасынан және Облыстық клиникалық ауруханасында 200-ден аса науқасқа арналған орын дайындалды. 30 жедел жәрдем көліктерін Шымкент қаласына кірер 3 жолға қойылды. Тағы да қажет болған жағдайда бірнеше аудандардан алдырылған қосымша жедел жәрдем көліктері дайын", - делінген хабарламада. 

Арыстағы жарылыс: 34 адам дәрігердің көмегіне жүгінді Облыстық клиникалық ауруханадан травматолог, хирург, реаниматолог дәрігерлер құрылған медициналық штабқа жиналды. Қазіргі кезде жарақат алғандар жоқ. Эвакуация жұмыстары жүргізіліп жатыр. Арыс қалалық орталық ауруханасы мен емханасынан науқастар эвакуация жасалды. Мамандар да жедел жәрдем көліктері де облыс бойынша жеткілікті.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір