• USD 378.65
  • EUR 430.07
  • RUB 6
  • CNY 55.1
18 Тамыз, 07:36:24
Медициналық сақтандыру: Өз денсаулығыңыз – өз қолыңызда

25 Маусым, 2019 NEWS

Арыста түлектер ҰБТ тапсырып үлгерді ме?

Арыс қаласында 779 түлек ҰБТ тапсыруға өтініш берген. 30 маусымға дейін жалғасатын байқау сынағына Арыс қаласының түлектері толықтай қатысып үлгере алды ма?

Бұл сұраққа ҚР Білім және ғылым министрлігі жоғары және жоғары оқу орынан кейінгі білім департаментінің директоры Әділет Тойбаев жауап берді деп жазады Qamshy.kz ақпарат агенттігі. 

"Арыста Ұлттық бірыңғай тест тапсыратын бір пункт болатын. Ол қаладағы №1 мектепте орналасқан. Жалпы, бұл өңірде 779 түлек тест тапсыруға өтініш қалдыған еді. Соның ішінде 772-сі тестілеуден өтті. Яғни 98 %-ы тапсырды. Олар 21 және 23-маусым күндері екі лекпен тапсырды. Кеше 24-маусымда сағат 09:00-де қаладағы №1 мектебінде апелляциялық комиссия өз жұмысын бастаған болатын. Өкінішке қарай, сол уақытта әскери бөлімшедегі жарылыстан кейін комиссия жұмысы тоқтап қалды", - дейді Әділет Тойбаев.

Оның айтуынша, зардап шеккен ешкім жоқ. Арыс қаласында білім және ғылым министрлігінің 12 өкілі жұмыс істеген.

"Қазіргі уақытта министрліктің 12 мүшесі Шымкент қаласында. Енді, 10-шілдеде елордаға қайтады. Тек комиссия төрағасы сонда қалады. Жағдай тұрақталған соң бұл апелляцияны өткізетін боламыз. Өйткені, апелляцияны өткізіп үлгермедік. Әлі 30-маусымға дейін уақытымыз бар. Егер үлгермей жатсақ, оның уақытын созамыз", - деді министрлік өкілі.

Ұсынған: Ақжібек Аралбек

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір