01 Шілде, 2019 NEWS
Ұрыны ұрымтал жерден теуіп өлтірген сиырдың хикаясы
Ажал аяқ астынан. Бірақ сиырдың аяғынан болады деп кім ойлаған?!
Индияның Карнатка штатында сиыр өзін ұрлаған ұрыны өлтірді деп жазады Qamshy.kz ақпарат агенттігі The Star басылымына сілтеме жасап.
50 жастағы Говиндаппа есімді үнді азаматы жергілікті фермердің сиырын ұрлаған. Олжасының бас жібін ұстаған күйі жылыстап үйден ұзай бергенде ол күтпеген жағдай орын алыпты.
2 шақырым жүргеннен соң сиырды жүк көлігіне тиемек болған. Сол сәтте сиыр оның жанды жерінен, яғни, екі аяғының ортасынан оңдырмай тепкен. Қатты тиген соққыдан сиырды қолды еткен үнді азаматы сол мезетте қайтыс болады.
Келесі күні жергілікті тұрғындар Говиндаппаның денесін ауыл шетінен тапқан. АЛ сиыр болса жайбарақат күйі үйіне қайта оралған.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір