• USD 378.65
  • EUR 430.07
  • RUB 6
  • CNY 55.1
17 Тамыз, 23:49:57
Медициналық сақтандыру: Өз денсаулығыңыз – өз қолыңызда

02 Шілде, 2019 NEWS

"Халықтың барлық аманаты орындалсын!": Тоқаев Байбекке тапсырма берді

Қазақстан Президенті «Nur Otan» партиясы Төрағасының бірінші орынбасары Бауыржан Байбекті қабылдады деп хабарлайды Qamshy.kz ақпарат агенттігі Ақорда сайтындағы мәліметтерге сүйеніп.

Мемлекет басшысы Үкіметпен, Мәжіліспен, мәслихаттармен өзара іс-қимылдарды күшейту, бастауыш партия ұйымдарын нығайту қажеттігін айтты. Қасым-Жомарт Тоқаев сайлауалды уәделердің орындалуы үшін партиялық және қоғамдық бақылауды қамтамасыз етуге назар аударды.

"Партияның міндеті – сайлауалды уәделердің орындалуы үшін қоғамдық бақылауды күшейту. Халықтың барлық аманатының орындалуын қатаң бақылауға алып, олардың нақты орындалуын қамтамасыз ету керек. Елімізде жүргізіліп жатқан реформалардың мәнін халыққа уақтылы әрі тиімді жеткізу маңызды", – деді Қазақстан Президенті.

Кездесу барысында Қасым-Жомарт Тоқаев Қоғамдық сенім ұлттық кеңесінде және жас мамандардан президенттің кадрлық резервін жасақтауда партияның жұмысын жандандыру үшін бірқатар тапсырма берді. 

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір