• USD 378.65
  • EUR 430.07
  • RUB 6
  • CNY 55.1
24 Тамыз, 10:22:14
Қорықшылардың материалдық-техникалық базасы күшейтіледі

27 Шілде, 2019 Маңғыстау облысы

"Бірге - Таза Қазақстан"

Үкімет мүшелері бастаған эко-челлендж бүгін Маңғыстауда жалғасты. Аймақ басшысы Серікбай Трұмовтың қатысуымен мекеме қызметкерлері мен бір топ еріктілер "Ақбота" саябағында, теңіз жағалауында, "Ана мен бала" орталығында тазалық жұмыстарын жүргізді.

ҚР Экология, геология және табиғи ресурстар Министрі М. Мырзағалиевтің бастауымен республикалық деңгейге ұласқан "Бірге - Таза Қазақстан" экологиялық акциясының негізгі мақсаты - қоршаған ортаның тазалығына бірауыздан атсалысу, сол арқылы жас жеткіншектерге үлгі көрсету болып табылады.

Акцияға облыс бойынша барлығы 2000-ға жуық адам, оның ішінде мемлекетік мекемелер және мемлекеттік емес ұйымдар қатыстырылып, 100 техника жұмылдырылды. Аймақ бойынша 25 тарихи және демалыс орындарында тазалау жұмыстары жүргізіліп, сол жерлерден барлығы 300 тоннаға жуық қоқыс тасып шығарылды.

Айта кетейік, Қазақстан Президенті Қасым-Жомарт Тоқаев Twitter желісіндегі парақшасында эко-челлендж қозғалысын толық қолдайтынын жазған болатын.

"Үкімет пен азаматтық қоғамның бастамасымен бүкіл ел бойынша жүзеге асырылып жатқан эко-челлендж қозғалысын толық қолдаймын. Елді тазалық аймағына айналдырайық. Бірге - Таза Қазақстан! Жарайсыңдар, волонтерлар!" - деп жазды Мемлекет басшысы.

#Birge #TazaQazaqstan

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір