Атамбаевтың айналасындағы дау-дамай қалай болып жатыр?(видео)

Қырғызстан БАҚ-тары бұрынғы президент Алмазбек Атамбаевтың резиденциясында арнайы жасақтың бір бөлігі ұсталғанын хабарлады деп жазады Qamshy.kz ақпарат агенттігі. 

Kaktus.media мәліметінше, резиденциядан бірнеше арнайы жасақ сарбазы ұсталған. Олардың кейбірі жарақат алған. Тағы біреулері талып қалған. Атамбаевтың жақтастары олардың қаруларын тартып алғаны айтылады. 

Осы уақытта Алмазбек Атамбаевтың қызы Әлия Шагиева әкесінің ұсталғаны жайлы хабарды жоққа шығарды. 

"Біріншіден, менің әкем ешқайдан қашқан жоқ, оны ешкім ұстаған жоқ, ол қауіпсіз жерде деген барып тұрған жалған сөз. Ол әлі Қой-Ташта", - деп жазды Шагиева Instagram желісінде.

Мұның алдында резиденция алдында басталған операцияның видеосы жарияланған еді. Оның кадрларынан Атамбаевтың шабуыл алдында өз үйінің ауласында болғаны көрінеді. Осы кезде әскерилер оқ ата бастайды.

+18! Бұдан ары психикасы тұрақсыздарға және балаларға контентті көруге болмайды.

Суреттер 24.kg сайтынан

Осыған дейін резеңке оқпен жараланғандардың арасында заңсыздыққа қарсы халық штабының бастығы Қияс Смалиев пен Жогорку Кенештің экс-депутаты Мирбек Мискенбаев бар екені хабарланған. 

Сонымен қатар, портал тілшісі Аида Джумашова жарақат алған.

Алмазбек Атамбаевтың айналасында дау-дамай неге өршіп кетті?

Шу облысы бойынша шұғыл көмек көрсету орталығының өкілдері шақырту түспегенін хабарлады. Бірақ дәрігерлер бригадаларын бірінші талап бойынша жіберуге дайын. Куәгерлердің мәліметтері бойынша, арнайы құралдың қызметкерлері жараланғандарға өздері көмек көрсетеді.

♦Оқи отырыңыз: Атамбаевты тұтқындау кезінде 15-ке жуық адам жарақат алды. Атыс әлі жалғасып жатыр (видео) 

Дереккөз: Tengrinews.kz