21 Тамыз, 2019 Саясат
Ресей Қарулы күштерінің "Орталық 2019" стратегиялық командалық-штабтық жаттығулары 16 және 21 қыркүйек аралығында өтеді деп хабарлайды Qamshy.kz ақпарат агенттігі Sputniknews.kz сайтына сілтеме жасап.
РФ қорғаныс министрлігі бұдан бұрын хабарлағандай, жаттығуларға Қазақстан, Қырғызстан, Тәжікстан және Өзбекстан әскерилері де қатысады.
Ресей президентінің баспасөз хатшысы Дмитрий Песков хабарлағандай, Владимир Путин осы елдердің мемлекет басшыларының бірімен жаттығуды бірге тамашалауы мүмкін. Олардың арасында Қазақстан президенті Қасым-Жомарт Тоқаев та бар.
"Жоққа шығара алмаймыз", - деді Дмитрий Песков сұраққа жауап беріп.
"РФ-ның еуропалық бөлігіндегі Донгуз, Тоцкий, Аданак полигондарында 12 950 адам жаттығудан өтеді (олардың ішінде РФ әскерилерінің саны - 10 700-ге дейін, шетелдік әскерилер - 2 250 адамға дейін). Сондай-ақ 250-дей танк, 450-ге жуық жауынгерлік көлік пен бронетрансппортер, 200-ге тарта артиллериялық жүйе мен дүркіндетіп ату реактивті жүйесі қолднанылады", - делінген Ресей қорғаныс министрлігінің хабарламасында.
Бұған дейін Ресей мен Беларусь президенттері Владимир Путин мен Александр Лукашенко екі ел аумағында дәстүрлі өткізіліп жүрген "Батыс" стратегиялық жаттығуларын көруге барған еді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір