• USD 378.65
  • EUR 430.07
  • RUB 6
  • CNY 55.1
23 Қыркүйек, 04:27:07
Кекілбаевқа арналған кеш

22 Тамыз, 2019 Аймақтар

Қордайлықтар ауызсуды құдықтан тасып ішпейді

Адам өмір сүру сапасына әсер ететін бірден-бір фактор – ауыз су екені белгілі. Ал елімізде тәуелсіздік жылдарынан бері «Ақбұлақ» сынды тұрғындарды ауызсумен қамтуға бағытталған ауқымды жобалар жүзеге асуда. Оның рақатан Жамбыл облысындағы бірқатар елді мекендер бүгінде көріп отырса, таза ауызсу биыл қол жеткізіп жатқан ауылдар да бар деп жазады Qamshy.kz ақпарат агенттігі. Бүгінде Жамбыл облысы Қордай ауданындағы 41 елді мекеннің 31-і жерасты суын, 10-ны жер үсті суын пайдалануда. Орталықтандырылған сумен жабдықтау жүйелерін пайдаланатын елді мекендер саны 28 немесе 68,3 пайызды құрайды.

Аудандық ішкі сумен жабдықтау желісінің жалпы ұзындығы 529 шақырым.

Ауылдық жерлерді таза ауыз сумен қамтамасыз ету мақсатында өткен жылы республикалық және облыстық бюджеттен барлығы 781,3 миллион теңге қаржы бөлініп, Ауқатты ауылындағы сумен жабдықтау жүйелерін қайта жаңғырту жұмыстары аяқталып, сондай-ақ, Әлжан ана ауылындағы сумен жабдықтау жүйелерін құрылысы басталды. Ағымдағы жылы құрылыс жұмыстары аяқталады деп жоспарлануда.

Сондай-ақ, Сарыбұлак, Қайнар, Кенен ауылындардағы және Қордай ауылы «Батыс» тұрғын алқабындағы сумен жабдықтау желісі және су жинау құрылыстарын жүргізуге облыстық, аудандық бюджеттер есебінен 36,1 миллион теңгеге жобалық-сметалық құжаттамалар әзірленуде. Іске асыру мерзімі 2018-2019 жылдар.

«Ақбұлақ» мемлекеттік бағдарламасы аясында 2019 жылы Қарасу, Өтеген батыр және Арал ауылдарына сумен жабдықтау жүйелерінің құрылыстарына жобалық-сметалық құжаттамаларды әзірлеуге жалпы 28,7 миллион теңге қарастырылды.

Әрине тіршілік нәрі ауызсу құбырларының жаңартылып, шалғай ауылдарға да жетуі құп көретін нәрсе. Оған қоса, бір жылдары дәл осы Қордай ауданының жұртшылығы арықтан су ішіп отырғандарын айтып, жанайқайын білдірген болатын. Кейіннен бұл мәселе жіті зерделеніп, алдағы жылдары шалғай ауылдардың өзі орталықтандырылған ауызсуға қол жеткізетіндігі уәде етілген. Міне осы жоспар бүгінде жүзеге асып елді мекендерге ауызсу құбырлары тартылуда. Бұл сөз жоқ, жергілікті биліктің бұқараның қамы үшін жасап жатқан игі шаралары.

Бәрекелді демекпіз қордайлық шенділер мен аудан әкімдігіне.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір