Тоқаев: Қоғамды мазалаған күрделі мәселелер көшеде емес, парламентте шешілуі тиіс

–«Нұр Отан» партиясы біздің көшбасшымыз және оның төрағасы Нұрсұлтан Назарбаевтың арқасында күрделі әрі жауапты миссияны орындап келеді. Біз қоғам үшін пайдалы істерді тындырып жүрген басқа да саяси партиялар және қозғалыстармен серіктесуіміз керек. Біздің қоғамды мазалаған негізгі мәселелер көшелерде емес, азаматтық диалог аясында Парламентте шешілуі тиіс. Депутаттар өзінің заңды құқығын пайдаланып, Үкіметке өзекті мәселелер туралы сауал жолдап, одан нақты шараларды қабылдауды талап етуі керек,–деді Қазақстан Президенті Қасым-Жомарт Тоқаев Парламенті палаталарының бірлескен отырысында Қазақстан халқына арнаған алғашқы  Жолдауында.