• USD 378.65
  • EUR 430.07
  • RUB 6
  • CNY 55.1
16 Қыркүйек, 14:15:14
Алматы облысындағы төтенше жағдай кезінде екі адам қаза тапты

04 Қыркүйек, 2019 Арнайы жобалар

Тоқаев: Азияның әдеби сыйлығын тағайындау керек

Тоқаев жазушылар форумында тың ұсыныс жасады деп хабарлайды Qamshy.kz ақпарат агенттігі sputniknews.kz сайтына сілтеме жасап. 

Мемлекет басшысы Қасым-Жомарт Тоқаев Азия қаламгерлерінің I форумында жазушылардың халықаралық сыйлығын тағайындауды ұсынды.

"Азия әдебиетінің өрісі айтарлықтай кеңейіп келеді. Шығыстан шыққан қаламгерлер күллі дүниені мойындатып отыр. Бұл ретте Азия әдебиетін әлемге әйгілеп, дәріптей түсу форумның тағы бір маңызды міндеті деп санаймыз. Шығыс даналығының дәстүр сабақтастығы сіздердің туындыларыңыз арқылы жалғасын табады деп ойлаймыз", - деді Тоқаев.

Президенттің айтуынша, жаһандану дәуірінде Азия сын-қатерлерге лайықты төтеп бере отырып, өзіне тән бірегей ерекшеліктерін сақтап келеді. Батыс технологиясы Азия руханиятымен үндесіп, шығыстық жаңғыру үлгісін дүниеге әкелді.

"Біз бұл үрдісті қолдап, әлем халықтарының ынтымақ-бірлігін нығайтуға үлес қосуға тиіспіз. Азия мәдениетін одан ары дамыту үшін алдымен Азия қаламгерлерінің форумы шығармашылық қауымның диалог алаңына айналуы керек. Азияны бүкіләлемдік рухани даму алаңы ретінде дамыту айрықша маңызды. Сондықтан әдеби жетістіктерді жаңғырту үшін жағдай жасау - басты міндеттердің бірі. Осы мақсатта Азияның әдеби сыйлығын тағайындаған жөн. Әлемдегі әйгілі сыйлықтар сияқты бұл марапаттың да беделін арттыруға күш салу керек", - деді Тоқаев.

Бұдан бөлек, президент Азия қаламгерлерінің ортақ электронды кітапханасын құруды ұсынды.

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір