• USD 378.65
  • EUR 430.07
  • RUB 6
  • CNY 55.1
18 Қыркүйек, 01:18:56
Ауыл шаруашылығы министрлігінің назарына! «Жем шөптің бағасы күйіп тұр, қамшыңа жазшы», – дейді әкем

04 Қыркүйек, 2019 Айтты-ей, бауырың!

"Зейнетке шығатын кез келмеді ме, Божко?"

Мәжіліс депутаты Владимир Божко қазақстандықтар биліктің алдында тізерлеп тұрып, алғыс айту керек деп есептейді деп жазады Qamshy.kz ақпарат агенттігі. Бұл туралы депутат кеше өткен Қазақстан халқы Ассамблеясы Кеңесінің кеңейтілген отырысында айтты. 

"Биліктің не істеп жатқанын көріп, түсіністік таныту керек. Иә, бір ғана дерек бойынша - үш жыл ішінде халықтың әлеуметтік қолдауы 17 есе өсті. Бұл үшін, кешіріңіз мені, қазақстандықтар билікке тізерлеп тұрып, ризашылығын білдіруі керек", - деді Божко.

Депутаттың бұл мәлімдемесі көпшіліктің наразылығын тудырды. Танымал актер Нұртас Адамбай да депутатты сынға алды. 

"Депутат Божко, егер сіз мемлекеттік көмек «17 есе өссе» тиімді болып, онда көмекке мұқтаж отбасылар саны бүгінде аздау болар еді деп ойламадыңыз ба? Адамдар жағдайы жақсы болғандықтан көмек сұрады деп есептейсіз бе? Аз қамтылған отбасылардың жағдайын өз көзіңізбен көрдіңіз бе? Халық билік алдында тізерлеп тұрып алғыс айту керек пе? Сенімдісіз бе? Жалпы мемлекеттік қызметкер өзі мүдделерін қорғауға тиісті адамдарға қатысты осындай пікір білдіруі дұрыс па? Зейнетке шығатын кез келмеді ме, Божко?", - деп жазды Нұртас Адамбай өзінің фейсбук парақшасында. 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір