Тоқаев: Жалған ұрандарды қойып, нақты іске көшу керек

Қасым-Жомарт Тоқаев "Ұлттық кеңестің" алғашқы отырысының соңында ұсыныстарды іске асыратынын мәлімдеді деп жазады Qamshy.kz ақпарат агенттігі.  

"Бүгін өте жақсы пікір алмасу орын алды. Баршаңызға алғыс айтамын. Ұлттық кеңес мүшелерінің интеллектуалдық деңгейі өте жоғары. Өте жақсы ұсыныстар айтылды. Бірлесіп іске асырамыз. Жалған ұрандарды қойып, нақты іске көшу керек. Сондай-ақ ұсыныстарды жинақтап тез арада іске асыру керек. Әрбір салада жеке жоспарды дайындауымыз керек. Алдымызда тұрған мақсаттар өте ауқымды әрі күрделі. Сол себепті бір ұжым болып жоспарды іске асыруымыз керек", – деді Тоқаев.