• USD 389.52
  • EUR 429.21
  • RUB 6.07
  • CNY 54.94
20 Қазан, 14:55:07
Назарбаев: "Нұр Отан" халықты мазалайтын мәселелерге араласпайды

14 Қыркүйек, 2019 Дін мен дәстүр

Бас мүфти сенат төрағасы Дариға Назарбаевадан көмек сұрады

Парламент сенатының төрағасы Дариға Назарбаева 18 қыркүйекте өтетін Әлемдік және дәстүрлі діндер лидерлері съезі хатшылығының XVIII отырысы қарсаңында Қазақстан мұсылмандары діни басқармасының төрағасы Серікбай қажы Оразбен кездесті деп хабарлайды Qamshy.kz ақпарат агенттігі.

Дариға Назарбаева Әлемдік және дәстүрлі діндер лидерлері съезінің хатшылығы отырысына дайындық туралы және діни форумның маңызына тоқталып, ұлтаралық және дінаралық үйлесімді сақтау және оны нығайту қажеттігін де атап өтті деп хабарлады сенаттың баспасөз қызметі. 

Кездесу барысында имамдар тап болып отырған өзекті мәселелер – жалақының төмендігі, сондай-ақ білікті кадрлар даярлау жайы да талқыланды. Бас мүфти биыл бір жарым мыңнан астам теолог даярланғанын, алайда олардың 800-і еңбекақының төмендігіне байланысты мамандығы бойынша жұмыс істемейтінін айтты. Серікбай қажы Ораз осы мәселені шешуге жәрдемдесу туралы өтінішін жеткізді. Төраға бұл мәселе заң шығарушылар назарына ұсынылып, талқыға салынатын хабарлады.

Бас мүфти Нұр-Сұлтан қаласында "Хасеки" университетінің филиалы құрылып, онда теолог-магистранттар даярланатынын жеткізді. Дариға Назарбаева бұл шешімнің маңыздылығына назар аударды.

Кездесу барысында Қазақстандағы діни мамандар тізілімі мен мұсылмандарды жерлеудің бірыңғай стандартын жасау, халыққа түсіндіру жұмыстарын жүргізу, сондай-ақ ҚМДБ жұмысында цифрлық технологияларды енгізу мәселелері талқыланды.

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір